Хаартыска sakha.gov.ru ылылынна
Саха сиригэр муус устуута саҕаланыар диэри ыйтан ордук кэм хаалла. Өлүөнэ өрүс аһыллыыта ыам ыйын бастакы дэкээдэтигэр Ленскэй улуус Витим бөһүөлэгэр биллиэҕэ. Билигин бэлэмнэнии үлэтэ көхтөөхтүк барар. Өрөспүүбүлүкэҕэ сааскы халаан куттала суох ааһарын туһугар 200 мөлүйүөн кэриҥэ харчы көрүлүннэ.
Өрөспүүбүлүкэ бастакы вице-премьерэ Дмитрий Садовников эппитинэн, 120 мөлүйүөн курдук үп өрөспүүбүлүкэ судаарыстыбаннай бүддьүөтүгэр көрүлүннэ. Өссө 70-тан тахса мөлүйүөн солкуобайдаах үп федеральнай бүддьүөттэн бэрилиннэ. Ону таһынан өрөспүүбүлүкэ уонна муниципальнай бүддьүөттэргэ 255 мөлүйүөн кээмэйдээх үп саппааһа баар.
«Саха сирэ халаан уута кутталлаахтык ааһар эрэгийиэннэриттэн биирдэстэрэ. Ол иһин, бэлэмнэнии үлэтэ эрдэттэн саҕаланар. Биһиги билигин бэлэмнэнии актыыбынай кэрдииһигэр киирдибит. Сүрүнэ – муус барарыгар тахсыан сөптөөх содулу муҥутаан аҕыйатыы”, — диэн Дмитрий Садовников иһитиннэрдэ.
Көрүллүбүт үбү халаан балаһыанньатын мониторинныырга авиация үлэтигэр, суһал бөлөхтөрү кытары үлэҕэ, өрөспүүбүлүкэ өрүстэригэр муус хамсааһынын хаамыытынан көрөн, үбү уонна баар күүһү көһөрүүгэ биэрии былааннанар.
Ону таһынан мууһу сымнатар үлэлэр ыытыллыахтара. Мууһу хараардыы уонна дэлби тэптэрии үлэлэрэ былааннаналлар. Дэлби тэптэрэр биэссэстибэлэр саппаастара хааччылынна. Үстүү киһилээх 2 дэлби тэптэрэр хамаанда тэриллиэҕэ.
Билигин гидротехническай тутуулары уонна кутталлаах эбийиэктэри кэтээн көрүү дьаһаллара ыытыллаллар. Өрүстэргэ гидрологическай балаһыанньаны мониторинныырга 183 гидропост үлэтэ (ол иһигэр, 127 бастайааннай уонна 56 быстах кэмнээх) тэриллиэҕэ.
Ууга барар сирдэртэн нэһилиэнньэни көһөрөргө 22276 миэстэлээх 271 быстах пуун бэлэмнэниэҕэ. Ону таһынан сүөһүнү быстах кэмҥэ тутар 113 пуун баар буолуоҕа. Сааскы халаан кэмигэр 43247 ынах сүөһүнү уонна 45419 сылгыны атын сиргэ үүрэн эрии былааннанар.
Санатан эттэххэ, быйыл өрүс нуорматтан 1-3 күн эрдэ эстиэн сөп. Саха сирин киин өттүгэр хаар элбэҕэ бэлиэтэннэ.
Гидрометеорологтар сабаҕалыылларынан, Ленскэй, Өлүөхүмэ, Хаҥалас, Нам, Кэбээйи улуустарга, Дьокуускай куоракка, Уус Маайа уонна Томпо улуустарын быысаһыыларыгар уонна Орто Халыма улууһугар Халыма өрүскэ харыы нуорматтан тахсыан сөп.
Өймөкөөн улууһугар айылҕа алдьатыылаах халаана олохтоохторго улахан хоромньуну аҕалла. [gallery ids="229247,229246,229245,229244,229243,229242,229241"] СӨ Гражданскай оборона дьыалаларын…
Hh.ru онлайн-рекрутинг аналитиктара Саха сиригэр ханнык хайысхаҕа үлэлиир исписэлиистэр саамай үрдүк хамнаһы аахсалларын быһаардылар. Бу…
Өймөкөөҥҥө үс бөһүөлэк, ол иһигэр Хара Тумул уонна Биэрэк Үрдэ бүтүннүү ууга барда диэн СӨ…
Академик Наталья Бехтерева үс сүбэтэ: 1. Олох тэтимин бытаардымаҥ. Кырдьыы эмиэ олох салгыыта буолар. Онон…
СӨ баһылыга Айсен Николаев РФ тырааныспарка миниистирин Андрей Никитины кытары көрүстэ. Бу туһунан СӨ Баһылыгын…
От ыйын 12-15 күннэригэр Дьокуускайга байыастар таҥастарын тигиигэ "Стежка за стежкой, метр за метром" өрөспүүбүлүкэтээҕи…