Өлүөнэ сүнньүнээҕи ууга управление хаартыската
Уу ресурсаларын Федеральнай агентствотын Өлүөнэ сүнньүнээҕи ууга управлениетын Научнай-техническэй сэбиэтин мунньаҕар, Саха сирин өрүстэригэр саас харыы тахсар сирдэригэр мууһу кэбирэтэр үлэлэри ыытыы туһунан кэпсэттилэр.
Сыл аайы халааҥҥа бэлэмнэнии үлэлэрэ эрдэттэн бараллар. Мууһу кэбирэтии үлэлэрэ сааскы халаан кэмигэр муус харыыта үөскээн, өрүстэр хааларыттан тахсан нэһилиэнньэлээх пууннары ылбаттарын туһуттан оҥоһуллар.
Сэбиэт мунньаҕар Уу ресурсаларын Федеральнай агентствотын Өлүөнэ сүнньүнээҕи ууга управлениетын салайааччыта Петр Аргунов, «Центррегионводхоз» тэрилтэ «Ленарегионводхоз» филиалын дириэктэрэ Александр Аржаков, СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт бэрэссэдээтэлин бастакы солбуйааччы Иннокентий Андросов, Ыксаллаах быһыы-майгы министиэристибэтин гражданскай оборонаҕа уонна нэһилиэнньэ көмүскэллээх буолуутун Саха сиринээҕи кылаабынай управлениетын начаалынньыга, генерал-майор полковник Павел Гарин, СӨ Айылҕаны туһаныы уонна ойуур хаһаайыстыбатын Уу сыһыаныгар уонна сырдатар үлэни ыытыыга департаменын салайааччыта Зинаида Васильева, Гидрометеосулууспа Саха сиринээҕи салаатын началынньыга Людмила Мурашка уонна да атыттар кытыннылар.
Гидрометеосулууспа Саха сиринээҕи салаатын начаалынньыга Людмила Мурашка Саха сирин өрүстэрэ ааспыт сылга 5-18 хонук хойутаан турбуттара, муус тоҥуутун кэмигэр уу таһыма нуорматтан 20-170 см диэри үрдүк этэ диэн кэпсээтэ. Кини бэлиэтээбитинэн, 2023 с. тохсунньу 31 күнүнээҕи кээмэйдээһининэн, Саха сиригэр хаар сапааһа Өлүөнэ алын уонна орто сүүрүгүнэн итиэннэ Алдан, Амма, Яна өрүстэринэн, Адыаччы сүнньүнэн нуорматтан 10-30% элбэх.
Өлүөнэ уонна Халыма өрүстэригэр мууһу кэбирэтии үлэлэрин ыытыы туһунан «Центррегионводхоз» тэрилтэ «Ленарегионводхоз» филиалын дириэктэрэ Александр Аржаков кэпсээтэ. Быйыл кэбирэтии үлэлэрэ Өлүөнэ уонна Халыма өрүстэригэр харыы тахсар 46 учаастагар ыытыллыа, ол курдук хараардыы үлэтэ – 39 учаастакка, 486 гектарга, эрбээһин – 7 учаастакка, 41 км оҥоһуллуоҕа.
Алдан, Амма, Ньүүйэ уонна Токко өрүстэригэр мууһу кэбирэтэр, өрүстэр салааларын ыраастааһын, гидротехническай тутуулары сааскы халааҥҥа бэлэмнээһин үлэлэрин туһунан СӨ Айылҕаны туһаныы уонна ойуур хаһаайыстыбатын министиэристибэтин Уу сыһыаныгар уонна сырдатар үлэни ыытыыга департаменын салайааччыта Зинаида Васильева кэпсээтэ. Кэбирэтии үлэтэ харыы тахсар 31 учаастагар 213 гектарга 9 улууска субвенция быһыытынан федеральнай үп-харчы суотугар ыытыллыа.
Сэбиэт мунньаҕын түмүгүнэн кэбирэтии үлэлэрин схемата ылылынна, аны СӨ Ыксаллаах быһыыга-майгыга кэмитиэтин бэрэссэдээтэлин бастакы солбуйааччытын, Ыксаллаах быһыы-майгы министиэристибэтин гражданскай оборонаҕа уонна нэһилиэнньэ көмүскэллээх буолуутун Саха сиринээҕи управлениетын, Уу ресурсаларын Федеральнай агентствотын Өлүөнэ сүнньүнээҕи ууга управлениетын уонна «Росрыболовство» Илин Сибиирдээҕи управлениета сөбүлэһиилэринэн бигэргэниэ.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…