Халааҥҥа эмсэҕэлээбиттэргэ гуманитарнай көмө оҥоһуллар

Сааскы халаантан бу күннэргэ Нам уонна Өлүөхүмэ улуустара эмсэҕэлээтилэр. 

Баартыйа эрэгийиэннээҕи салаатын ситэриилээх кэмитиэтин салайааччыта Сулустаан Заболоцкай иһитиннэрбитинэн, СӨ Ил Дархана Айсен Николаев сорудаҕынан, ыам ыйын 13 күнүттэн баартыйа 4 туонна 878 кг гуманитарнай көмөнү хомуйбут.

«Бүгүҥ Өлүөхүмэ улууһугар икки туонна кэриҥэ гуманитарнай көмө ыытылынна. Билигин Нам улууһугар үс туоннаттан тахса гуманитарнай көмө ыытыллаары турар. Бу ас-үөл, утуйар таҥас-сап, уо.д.а. Биһиги сибээһи ыкса тутан олоробут. Кыһалҕалаах кэмҥэ дьон түмүстэ. Ил Түмэн, Дьокуускай куорат Дууматын дьокутааттара, Арассыыйа Кыһыл кириэһин эрэгийиэннээҕи отделениета, «Биир ньыгыл Арассыыйа» дьокутааттара, волонтердар, дьон-сэргэ бары көмөлөһөллөр. Үлэ салҕанар«, — диир кини.

Айсен Николаев улуустарга ыксаллаах быһыыны-майгыны дьүүллэһии кэмигэр Бырабыыталыстыба чилиэннэрэ уонна дьокутааттар суолу-ииһи, олох-дьаһах эбийиэктэрин чөлүгэр түһэрии үлэлэригэр, ону тэҥэ тыа сирин олохтоохторун хоромньуларыгар болҕомтолоохтук сыһыаннаһалларыгар эппитэ. «Туһааннаах сорудахтар бэриллибиттэрэ, дьоҥҥо наадалаах көмөлөр оҥоһуллуохтара» , — диир кини.

t.me/er_yakutia14/6880