Халааҥҥа, ойуур баһаарыгар бэлэмнэнии бара турар

“Быйылгы өрүстэр эстиилэрэ урукку сыллартан уратыта суох буолуоҕа», – диэтэ Ил Дархан.

– 2-3 күн эрдэлиэн сөп, муус халыҥа урукку сыллар нуормаларыгар сылдьар, хаар ордук Бүлүү умнаһын улуустарыгар элбэх. Халаан уутугар бэлэмнэнии үлэлэр ыытылыннылар, бары бэлэмнэр.

Ойуур баһаарыгар от-атырдьах ыйдара уустук буолуохтара. Быйыл РФ Бэрэсидьиэнин дьаһалынан үбүлээһин 2 млрд 760 мөл солк. тиийэ улаатта. Манна ГЛОНАССтаах саҥа тиэхиньикэ, киһитэ суох көтөр аппарааттар ылыллыахтара. Кэлин бу аппарааттары уоту умуруорарга тутта үөрэниэхпит. Ардаҕы искусственнайдык ыҥырыы эмиэ наадалааҕын көрдөрбүтэ. Онон барытын туһаныахпыт”.