Үлэ 163 оҕо үөрэнэр түөрт оскуолатыгар, 119 миэстэлээх биэс дьыссаакка, доруобуйа харыстабылын үс эбийиэгэр — Суордаахха, Дулҕалаахха уонна Бөтөҥкөскө, ону таһынан, Дулҕалаах, Боронук, Адыаччы, Сартаҥ нэһилиэктэригэр норуот айымньытын түөрт дьиэтигэр ыытылынна.
Суордаах сэлиэнньэтин оскуолатын успуорт саалатыгар уонна Бөтөҥкөс сэлиэнньэтин элбэх өҥөнү оҥорор успуорт комплексыгар чөлүгэр түһэрии үлэтэ барда. Верхоянскай куоракка баар успуорт саалатын аҕыйах хонугунан үлэҕэ киллэриэхтэрэ. Оттон Боронук сэлиэнньэтин халаан кэмигэр саахалланар туруктаах турбут успуорт саалатын тутуу боппуруоһун туспа быһаарыахтара.
Арассыыйа ЫБММ Ми-26 бөртөлүөтүнэн бу эбийиэктэри өрөмүөннээһиҥҥэ 125,717 туонна таһаҕас тиэйилиннэ. Ол курдук, тутуу матырыйаалын, сылытар бүрүөһүннэри уонна да атын таһаҕаһы илдьибиттэрэ.
Туһааннаах матырыйаалга олоҕуран дьааҥылартан чопчуластыбыт. Халааҥҥа бастакынан түбэспит Суордаах сэлиэнньэтин оскуолатын дириэктэрин солбуйааччы Яна Стручкова иһитиннэрбитинэн, халаан кэнниттэн куурдуу үлэтэ ыытыллыбыт. Манна куораттан тиийбит устудьуоннар көмөлөспүттэр. Тутуу матырыйаала, сылытар-бүрүйэр матырыйаал тиийбитин кэнниттэн “Аммосов С.С.” ИП муостатын оҥорбут. Ол эрээри хочуолунайга хаһыллан оҥоһуллубут, олордуллубут оһох үлэтигэр сир анныттан тахсар уу уустуктары үөскэтэр эбит. Онон акт толорон ыыппыттар. Оскуола күрүөтэ саҥардыллыбыт.
Олохтоох дьыссаакка эмиэ муостатын уларытыыга үлэ барбыт. Эмиэ “Аммосов С.С” биригээдэтэ үлэлээбит, устудьуоннар көмөлөспүттэр. Халаан кэнниттэн син-биир төһө да куурдубут үрдүнэн муоста аннынааҕы буор сииктээҕэ чахчы, онон кыһын дьиэ тымныйбатар ханнык диэн баҕалаахтар.
Сүнньүнэн ыллахха, өрөмүөн, чөлүгэр түһэрии кыстыкка киириэх иннинэ ыытыллыбыт.
Хаартыскаҕа: Суордаахха (архыыптан)
"Ытыктабыллаах Сахабыт сирин олохтоохторо! Муус устар 30 күнүгэр түмүктэниэхтээх Дьокуускай куоракка тутуллуохтаах бырайыактарга куоластааһын буола…
Сергей Зверев-Кыыл Уолун аатынан Үҥкүү Национальнай тыйаатыра Үҥкүү аан дойдутааҕы күнүнэн көрөөччүлэригэр «Үрүҥ күн оҕолоро»…
Быйыл «Үлэ киһитэ» бириэмийэни муус устар 30 күнүгэр туттарыахтара. Санатар буоллахха, Ил Дархан Айсен Николаев…
Ыам ыйынааҕы уһун өрөбүллэринэн сибээстээн, оҕоҕо төлөбүрдэри биэрии графига уларыйда. Саха сиригэр Арассыыйа социальнай пуондаҕа…
Айыыһыт ыйын атаара, Нам улууһун Көбөкөн нэһилиэгэр, саха балаҕаныгар, Эбээ күнэ бэлиэтэнэн ааста. Оҕолор саха…
Сунтаар улууһун баһылыга Анатолий Григорьев, Сунтаар нэһилиэгин баһылыга Эдуард Филиппов уонна спорт отделын салайааччыта Семен…