Хаартыска: СИА.
Быйыл ыам ыйыгар Өлүөнэ, Бүлүү уонна Анаабыр өрүстэр халааннарыттан эмсэҕэлээбит Саха сирин олохтоохторугар эбии харчынан көмөнү оҥорорго РФ бырабыыталыстыбатын резервнэй пуондатыттан 102 мөлүйүөнтэн тахса солкуобай көрүлүннэ.
Төлөбүрдэр федеральнай ыксаллаах быһыы-майгы эрэһиимин чэрчитинэн оҥоһуллуохтара.
Бу өрөспүүбүлүкэ хас да тыһыынчанан эмсэҕэлээбит олохтоохторо ылбыт төлөбүрдэрин индексациялааһын туһунан этиллэр. Ил Дархан сорудаҕынан 2024 сыл от ыйыгар айылҕа алдьархайыттан эмсэҕэлээбит дьоҥҥо төлөбүр кээмэйэ 1,5 төгүл улаатыннарыллыбыта.
Үп-харчы халаантан эмсэҕэлээбит гражданнарга эбии төлөбүр быһыытынан барыаҕа. Урут оҥоһуллубут биир кэмнээх материальнай көмөҕө көрүллэр эбии төлөбүр 5 тыһ. солк. буолла. Онтон олоххо наадалаах баайын-дуолун сорҕотун эбэтэр бүтүннүүтүн сүтэрбит дьоҥҥо харчынан көмө эбии төлөбүрэ 25 тыһ. уонна 50 тыһ. солк. буолуоҕа.
Миниистирдэр кэбиниэттэрэ иһитиннэрбитинэн, маны таһынан эрэгийиэн бүддьүөтүн ороскуотун толуйууга Саха сиригэр 200 мөлүйүөнтэн тахса солкуобай ыытыллыаҕа.
СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ иһитиннэрбитинэн, 2024 сыл от ыйыгар 3898 гражданин биир кэмнээх матырыйаалынан көмөнү, оттон 3096 киһи олоххо наадалаах баайа-дуола суох хаалбытынан харчынан көмөнү ылбыттар. Өрөспүүбүлүкэ бүддьүөтүттэн көрүллүбүт уопсай суума 307,58 мөл. солк. буолбута.
Быйыл өрөспүүбүлүкэ баһылыга Айсен Николаев сорудаҕынан ыытыллыбыт төлөбүрдэр бары индексацияны учуоттаан оҥоһулуннулар. Саҥа суоттааһын быһыытынан, биир кэмнээх көмө сууматын 5-тэн 10 тыһыынчаҕа диэри, баайы-дуолу сүтэриигэ харчынан көмө 10-тан 100 тыһыынчаҕа диэри (сорҕотун сүтэриигэ – 50 тыһ., толору хоромньуга – 100 тыһыынча солкуобай) улаатыннардылар, диэн иһитиннэрэр Ил Дархан, бырабыыталыстыба пресс-сулууспата.
Cаха сирин синоптиктарын сабаҕалааһыннарынан бүгүн, ахсынньы 24 күнүгэр, Арктика кытылынан сорох сиринэн хаардыыр. Бу туһунан…
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…