Хаартыска "Биир ньыгыл Арассыыйа" баартыйаттан
Бу улуустарга быыбардар итиини биэрии уонна чөлүгэр түһэрэр үлэлэр кэмнэригэр бараллар – чөлүгэр түһэрии балаҕан ыйын 30 күнүгэр диэри түмүктэниэхтээх.
Абый улууһугар алдьаммыт олорор дьиэлэри бүтүннүү өрөмүөннээһин ыытыллар. Өймөкөөн улууһугар хаалбыт 8 дьиэҕэ үлэлэр ыытыллаллар, барыта 34 киһилээх түөрт биригээдэ үлэлиир. Ону таһынан, олорор дьиэлэрин бүтүннүү сүтэрбит ыалларга элбэх кыбартыыралаах дьиэ тутуута салҕанар. 89 алдьаммыт дьиэттэн 81 дьиэ чөлүгэр түстэ.
Өрөспүүбүлүкэ Бырабыыталыстыбата бэлиэтииринэн, бүгүҥҥү күҥҥэ үбүлээһин бары источниктартан тыырыллыбыт. Регламенныыр үлэлэргэ нормативнай-быраап докумуоннарыгар сөбүлэһии барар. Муниципальнай тэриллиилэргэ уонна эмсэҕэлээбит дьоҥҥо үп тиэрдиллэр.
ОДьКХ министиэристибэтэ уонна Ээнергетиктэр муниципальнай былаас уорганнарыттан киирэр бары сайаапкалар суһаллык быһаарыллалларын туһунан иһитиннэрэллэр. Кыстыыр оту бэлэмнээһин былаанын толорорго сайаапкаларынан төлөбүрдэр салҕаналлар диэн СӨ экологияҕа, айылҕаны туһаныыга уонна ойуур хаһаайыстыбатын миниистирин солбуйааччы Анатолий Алексеев иһитиннэрэр.
«Биир ньыгыл Арассыыйа» баартыйа Саха сиринээҕи салаатын «Эдэр Гвардия» активистара Өймөкөөн улууһун Биэрэк Үрдэ нэһилиэгин чөлүгэр түһэрэр үлэлэригэр кыттыстылар.
«Биһиги ыарахаҥҥа түбэспит биир дойдулаахтарбытыгар көмөлөһөртөн үөрэбит. Олохтоохтор көмөбүт иһин ис сүрэхтэн махтаннылар, оттон биһиги төрөөбүт дойдубут чөлүгэр түһэригэр кылааппытын киллэрбиппитинэн киэн туттабыт», — диэн «Эдэр Гвардия» эрэгийиэннээҕи ыстаабын чилиэнэ Сергей Никифоров эттэ.
Халаан содулун туоратыыга бүтүн өрөспүүбүлүкэ көмөлөстө.
«Биһиги активистарбыт өрөспүүбүлүкэ араас муннуктарыттан кэлэн волонтерскай бөлөхтөр састааптарыгар үлэлээтилэр. Бу үлэ сомоҕолоһуу уонна бэйэ-бэйэҕэ көмөлөһүү бэлиэтэ буолар», — диэн «Эдэр Гвардия» Бүтүн Арассыыйатааҕы уопсастыбаннай тэрилтэтин Саха сиринээҕи салаатын аппараатын салайааччыта Константин Колесов тоһоҕолоон эттэ.
Оттон бүгүн икки улууска Биир кэлим куоластааһын күнүгэр, быыбардар буола тураллар, олох салҕанар.
Саха сиригэр муниципальнай быыбардар бара тураллар. Бүгүн 12:00 чаастааҕы дааннайынан быыбарга куоластааччы 19,63 бырыһыана кытынна.…
Дьокуускай куоракка томороон тымныыларга сылаас тохтобуллар абырыыллар. Киин куорат мэрэ Евгений Григорьев 2021 сыллаахха мэринэн…
“Киһини таҥаһынан көрсөллөр, өйүнэн сыаналаан атаараллар” диэн этии хайа да кэмҥэ суолтатын сүтэрбэт. Кырдьыга да,…
Ленскэй оройуонун дьаһалтата иһитиннэрбитинэн, балаҕан ыйын 13 күнүгэр оройуон урукку баһылыга, "Арман" ХЭУо салайааччыта Жумарт…
Былатыан Ойуунускай аатынан Саха академическай тыйаатырын артыыһа Сандаара Федотова «сулустаах чааһа» «Саха» НКИХ аатырбыт «Уот…
Биир дойдулаахпыт 17 саастаах Артур Портнягин НТВ ханаалыгар «Ты супер!» биэриигэ кыттыаҕа. ЯСИА суруйарынан, Артур…