Хаартыска: СӨ Ил Дарханын уонна Бырабыыталыстыбатын пресс-сулууспата
Халаантан эмсэҕэлээбит оройуоннарга хочуолунайдары болдьоҕун иннинэ үлэлэтиэхтэрэ. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Чөлүгэр түһэрии үлэлэр атырдьах ыйын 20 күнүгэр диэри түмүктэниэхтээхтэр. Ууга барбыт дьиэлэри уонна социальнай эбийиэктэри куурдар сыалтан хочуолунайдары болдьохторун иннинэ үлэлэтиэхтэрэ.
«Биһиги тыйыс килиимэппит усулуобуйатыгар оттук кэмигэр бэлэмнэнии сүрүн сорук буолар. Билиҥҥи туругунан, муниципальнай тэриллиилэр уонна ресурсанан хааччыйар тэрилтэлэр күһүҥҥү-кыһыҥҥы кэмҥэ бэлэмнэниини көхтөөхтүк ыыталлар. Быйылгыттан оттук сезонугар бэлэми сыаналааһын чуолкайдаммыт ирдэбиллэри киллэрэр саҥа быраабылаларынан ыытыллыаҕа. Бу дьаһаллар сыанабыл хаачыстыбатын үрдэтиигэ, кыһалҕалары эрдэттэн булууга уонна туоратыыга, ону тэҥэ бэлэм буолуу пааспарын кэмигэр ылыыга туһуланаллар», — диэн ОДьКХ миниистирэ Вячеслав Емельянов эттэ.
Абый, Үөһээ Халыма, Өймөкөөн, Өлөөн уонна Томпо оройуоннарыгар үлэлэр кыраапыктан хаалан иһэллэрэ бэлиэтэнэр. Бу муниципалитеттар салайааччыларыгар итэҕэстэри кылгас кэм иһигэр туоратарга уонна ыйыылары-кэрдиилэри олохтоммут болдьоххо толорорго сорудахтанна. Ону таһынан, бары ресурсанан хааччыйар тэрилтэлэр энергиянан хааччыйыы саппаас источниктарын үлэлиир туругун бэрэбиэркэлиэхтээхтэр, оттук саппааһын баарын хааччыйыахтаахтар уонна олорор дьиэ пуондатын, социальнай эбийиэктэр ититии систиэмэлэрин сайҕыахтаахтар.
Борис Федорович Неустроев-Мандар Уус 80 сааһын туолбутунан, АЛРОСА хампаанньа Накыын руднигыттан хостоммут 51,39 карааттаах бөдөҥ…
ИДьМ сулууспатын 1 №-дээх полициятын отделын дьуһуурунай чааһыгар таксыы өҥөтүн оҥорор дьахтар тыллаабыт. Кини массыына…
«Дьиэ кэргэн» национальнай бырайыак «Ийэ уонна оҕо харыстабыла» бырагырааматын чэрчитинэн ыытыллар, 2025 сылга өрөспүүбүлүкэ территориятыгар…
Саха Өрөспүүбүлүкэтин Арбитражнай суутун 2025 с. сэтинньи 11 күнүнээҕи быһаарыытынан, «Саха Өрөспүүбүлүкэтин Биологическай ресурсалар, ураты…
Саха сиригэр байыаннай дьайыы бэтэрээннэрин үөрэх эйгэтигэр үлэҕэ ордук көхтөөхтүк тардар былааннанар. Бу туһунан СӨ…
Соторутааҕыта Кытай Харбин куоратыгар Норуоттар икки ардыларынааҕы муус уонна хаар оҥоһуктар күрэхтэһиилэрэ үгэс быһыытынан 37-с…