Хаартыска: Иван Неустроев тиксэриитэ.
Бу күннэргэ Дьокуускай куоракка Өймөкөөн улууһун землячествота тэрийбит гуманитарнай көмөнү хомуйар өйөбүл ыстааба бэйэтин үлэтин түмүктээтэ.
Өймөкөөн улууһун олохтоохторо кинилэргэ көмөҕө илиилэрин утары ууммут Саха сирин бары олохтоохторугар барҕа махталларын тиэрдэллэр. Оттон Дьокуускай куорат баһылыгын иһинэн тэриллибит гуманитарнай көмөнү хомуйар ыстаап үлэтин салгыыр. Бу үлэни өрөспүүбүлүкэ улуустарын землячестволарын сэбиэтэ сүрүннүүр. Уопсастыбаннай тэрилтэ салайааччыта Иван Неустроев маннык иһитиннэрдэ:
— Ууттан эмсэҕэлээбит Өймөкөөн, Абый, Муома улуустарыгар Дьокуускай куораттааҕы гуманитарнай көмө кииниттэн атырдьах ыйын 4 күнүгэр биэс туонна көмөнү ыыттыбыт. Онтон Өймөкөөҥҥө баран иһэр массыына Таатта улууһа хомуйбут 2,5 тонна көмөтүн тиэнэн салгыы айаннаата. Онон Таатта улууһун олохтоохторугар махталбытын тиэрдэбит. Дьокуускай куорат үпкэ дэпэртээмэнэ (салайааччы О.Н. Максимова) Өймөкөөн улууһун Сордоҥноох нэһилиэгин салалтатыгар ноутбук биэрбитин, гуманитарнай көмөнү оҥорор киин салайааччыта Надежда Федорова Өймөкөөн улууһун баһылыгар Александр Оконешниковка туттарда. Сордоҥноох нэһилиэгин салалтатын дьиэтэ ууга баран, көмө оҥоруутун докумуоннарын оҥорууга уустуктары көрсөллөр. Онон кинилэргэ ноутбук олус наада тэрил. 90 саастаах куорат олохтооҕо гуманитарнай көмө киинигэр 2 саҥа сылаас суорҕаны уонна 20000 солкуобай харчыны ыыппытын туттубут. Көмө хомуллуута Ярославскай уул. 21 дьиэтигэр, 26-с оскуолаҕа салҕанар.
Алтынньы ыйга Саха сиригэр өссө 20 км уһуннаах эрэгийиэннээҕи суолталаах суол өрөмүөнэ түмүктэннэ. Бу туһунан…
Үлэ ырыынагар үлэһит илии тиийбэтэ уонна импорты солбуйар оҥорон таһаарыы күүскэ сайдыыта кэнники сылларга хамнас…
Таатта улууһун борокуратууратын быһаарбытынан, Алдан нэһилиэгин баһылыга дуоһунаһын туһанан, урбаанньыт быраатын кытта 453 тыһ. солк.…
Реабилитацияланарга тэхиниичэскэй сириэстибэлэри прокаттыыр пууннар өрөспүүбүлүкэ бары улуустарыгар уонна Дьокуускай куоракка аһылыннылар, диэн СӨ Үлэҕэ…
Бүгүн Хаҥалас улууһугар бэлиэ тэрээһин – Тыгын Дархан пааматынньыгын уонна кини сыдьааннарыгар анаммыт мемориальнай комплексы…
«Кыайыыга бииргэ!» өрөспүүбүлүкэтээҕи хамыыһыйа байыаннай сулууспалаахтары эбии хааччыйыыга былааннаах үлэтин салгыыр. Кэлэр нэдиэлэҕэ байыаннай дьайыы…