Хаартыска: СИА, Андрей Сорокин түһэриитэ
Ыксаллаах быһыы-майгы эрэсиимэ биллэриллибит халаантан эмсэҕэлээбит улуустарга чөлүгэр түһэрэр үлэлэргэ үбүнэн көмө оҥоһуллуоҕа.
Ол туһунан СӨ Бырабыыталыстыбатын Бэрэссэдээтэлин бастакы солбуйааччыта Дмитрий Садовников бэйэтин телеграмм-ханаалыгар сигэнэн Саха сирин суһал ыстааба иһитиннэрдэ.
Үбүлээһини ыларга олохтоох былаас уоргана хамыыһыйа тэрийэн, итинник ыксаллаах быһыы-майгы эрэсиимэ олохтоммут күнүттэн ый устата чинчийии оҥорон түмүгүн ыытыахтаахтар.
Оттон алдьаммыт суолу оҥорорго үбүлээһин туспа көрүллүбүт. Бастаан суол пуондатыгар 50 мөл. солк. көрүллүбүт, ол суума Ыксаллаах быһыыны-майгыны сэрэтэр уонна ол содулун туоратар хамыыһыйа быһаарыытынан 100 мөл. солк. диэри улааппыт.
Сааскы халаантан билигин алта улууска ыксаллаах быһыы-майгы эрэсиимэ олохтонон турар: Аммаҕа, Чурапчыга, Уус Алдаҥҥа, Тааттаҕа, Кэбээйигэ уонна Анаабырга. Эрдэ Горнай улууһугар биллэриллэ сылдьыбыта. Бүгүҥҥү туругунан уустук балаһыанньа Таатта уонна Анаабыр улуустарыгар үөскээтэ. Ол гынан баран эрдэттэн сабаҕаламмытын курдук, сааскы халаан аһара улахан хоромньуну оҥоро илик диэххэ сөп. Бу сырыыга өрөспүүбүлүкэ таһымыгар, оройуоннарга да ылыллыбыт сыралаах бэлэмнэнии үлэтинэн уонна суһал дьаһаллар көмөлөрүнэн, нэһилиэнньэлээх пууннар улаханнык ууга барбатылар.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…