Саха сирин Бырабыыталыстыбатын Бэрэссэдээтэлэ Андрей Тарасенко быйыл сайын халаан уутуттан уонна кураантан эмсэҕэлээбит оройуоннарга сүөһү уонна сылгы этэҥҥэ кыстыырын туһугар сөптөөх усулуобуйалары тэрийиигэ сүбэ мунньаҕы ыытта.
Санатан эттэххэ, Саха сирин Ил Дархана А.С.Николаев мунньаҕын түмүгүнэн 292 туонна концентрированнай аһылыгы атыылаһан тиэйиигэ, ону тэҥэ 101,3 мөл. солк. 1600 туонна отунан ордук кыһарыйтарбыт аҕыс оройуоҥҥа көмөлөһөргө быһаарыы ылыныллыбыта. Концентрированнай аһылыгы тиэрдиигэ сүрүн операторынан «Якутоптторг» анаммыта.
Премьер-миниистиргэ ыытыллыбыт мунньахха Кэбээйи, Бүлүү, Дьааҥы, Горнай, Өлүөхүмэ, Өлөөн, Чурапчы, Эбээн Бытантай оройуоннарын бэрэстэбиитэллэрэ тыл эттилэр.
Андрей Тарасенко муниципальнай оройуоннары уонна тыа хаһаайыстыбатын министиэристибэтин кытта сөбүлэһиилэр түһэрсиллэн, ити чэрчитинэн муниципалитеттар сүөһүнү уонна сылгыны энчирэппэт туһугар эбээһинэстэниэхтэрэ.
Мунньахха премьер-миниистир оройуоннар салайааччыларыгар кэлэр бэнидиэнньиккэ бөдөҥ хаһаайыстыбалар уонна кэтэх хаһаайыстыбалар сайаапкаларын учуоттаан кинилэргэ төһө кээмэйдээх концентрированнай аһылык наадатын чопчулуохтаахтар.
Бырабыыталыстыба Бэрэссэдээтэлэ оройуоннар салайааччыларыгар атын муниципалитеттары кытта кыстыкка сөп буолар тиийбэт оту атыылаһыыга уонна тиэйиигэ сөбүлэһиилэри түһэрсэллэригэр ыйда.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс сулууспата
РФ Бырабыыталыстыбатын Бэрэссэдээтэлин солбуйааччы – РФ Бэрэсидьиэнин боломуочуйалаах бэрэстэбиитэлэ Юрий Трутнев «Россия-24» ханаалга интервью биэрдэ,…
2026 сыл тохсунньу 1 күнүттэн Арассыыйаҕа үс сыллаах эксперимент саҕаланыаҕа, ол түмүгэр бэйэ дьарыктаах дьон…
Өлүөхүмэ улууһун I Нөөрүктээйи нэһилиэгэр кыс ортото лыах тиллибитэ ый буолла. Маныаха учуонайдар көрүүлэрэ хайдаҕый?…
Дьокуускай куоракка полицейскайдар балыыһаҕа киирбит табаарыһын каартатыттан мөлүйүөн аҥаара харчыны уорбут киһини туттулар. Бу туһунан…
Ахсынньы 24 күнүгэр «Бриллианты Якутии» ансаамбыл 2025 сылы түмүктүүр аһаҕас уруогун үрдүк таһымнаахтык ыытта! [gallery…
Үөрэх тиһигин оптимизацията үөрэх хаамыытыгар хоромньуну оҥоруо суохтаах. Бу туһунан өрөспүүбүлүкэ баһылыга Айсен Николаев Ил…