Хаартыска: Андрей Сорокин, ЯСИА
Былаас уорганнара халаантан эмсэҕэлээбит улуустарга тутуу матырыйаалын төһө кыалларынан суһаллык тиэрдэр ньымалары көрөллөр.
«Тутуу матырыйааллара кэлэн эрэллэр. Тиэрдиини түргэтэтэр сыалтан салгын тырааныспарын туһаныыны көрөбүт. Сөптөөх быһаарыы ылыллыа диэн эрэнэбит», — диэн эрэгийиэн бырабыыталыстыбатын бэрэссэдээтэлин бастакы солбуйааччы Дмитрий Садовников бэйэтин телеграм-ханаалыгар суруйда.
Халаантан эмсэҕэлээбит Өймөкөөн уонна Абый улуустарын олохтоохторуттан уопсайа 1968 сайабылыанньа киирбит: биир кэмнээх көмөҕө 1413, баайы-дуолу сүтэриинэн — 555.
122 дьиэ өрөмүөҥҥэ наадыйар (14 дьиэ Абыйга, 108 — Өймөкөөҥҥө). Икки кэтэх уонна үс элбэх кыбартыыралаах дьиэлэр бүтүннүү алдьаммыттар. Хомунаалынай хаһаайыстыба үлэһиттэрэ атырдьах ыйын 20 күнүгэр диэри туох баар ситими барытын чөлүгэр түһэрэр итиэннэ ититии сезонугар бэлэмнэнэр былааннаахтар. Тыа хаһаайыстыбатыгар эмсэҕэлээбит 49 хаһаайыстыбаны бэрэбиэркэлээтилэр, хотоннору уонна сылгы базаларын өрөмүөннүүллэр.
Сунтаар, Горнай, Ньурба улуустарыттан уонна «Саханефтегазсбыт» тэрилтэттэн бэйэ баҕатынан дьон үлэлии кэллэ. Кинилэргэ Чурапчы, Мэҥэ Хаҥалас, Нам, Үөһээ Бүлүү, Томпо, Амма улуустарыттан, Дьокуускайтан биригээдэлэр кыттыһыахтара.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…