Хаартыкса: СӨ Ил Дарханын уонна Бырабыыталыстыбатын пресс-сулууспата
Ил Дархан Айсен Николаев халаантан эмсэҕэлээбиттэргэ бары төлөбүрдэри атырдьах ыйын бүтүөр диэри түһэрэргэ сорудахтаата.
Өрөспүүбүлүкэ салайааччыта маннык сорудаҕы Үлэҕэ уонна социальнай сайдыыга миниистирэ Елена Волковалыын ыыппыт үлэ мунньаҕар туруорда диэн СӨ Ил Дарханын уонна Бырабыыталыстыбатын пресс-сулууспата иһитиннэрэр.
«Олоххо ыарахан балаһыанньаҕа түбэспит хас биирдии киһи өйөбүлү ылара улахан суолталаах. Дьон бэйэлэрин алдьархайдарын кытта соҕотох хаалбатахтарын билиэхтээхтэр. Хас биирдии тустаах түгэҥҥэ болҕомтону ууруохха наада», — диэн Айсен Николаев бэлиэтээтэ.
Бүгүҥҥү туругунан, Волкова этэринэн, көрүүгэ 2 400 сайабылыанньа киирбит, онтон 1 261-гэр 30 мөл. солк. тахса суумалаах сөбүлэһэр быһаарыы ылыллыбыт. Биир кэмнээх матырыйаалынай көмөҕө докумуоннары тутуу үлэтин Үлэ министиэристибэтэ олохтоох салайыныы уорганнарын кытта бииргэ ыытар.
«Сүрүн докумуонунан олохтоох салайыныы уорганын түмүк суруга буолар. Ол гражданин халаан уутун сиригэр-уотугар баарын уонна бастакы наадалаах баайа-дуола сүппүтүн, эбэтэр олоҕун-дьаһаҕын усулуобуйата кэһиллибитин бигэргэтэр. Бу түмүк сурукка олоҕуран, социальнай көмүскэл уорганнара көмөнү оҥорор туһунан быһаарыыны ылаллар», — диэн Елена Волкова быһаарда.
Миниистир өссө халаантан эмсэҕэлээбит өрөспүүбүлүкэ олохтоохторо матырыйаалынай көмөҕө сайабылыанньаларын өрөспүүбүлүкэтээҕи таһымнаах ыксаллаах быһыы-майгы эрэсиимэ биллэриллибит күнүттэн биир ый устата, ол эбэтэр атырдьах ыйын 19 күнүгэр диэри, ыытыахтарын сөбүн бэлиэтээтэ.
Мииринэй куоракка Ийэ дойду көмүскээччилэрин өйөөн аһымал кэнсиэр тэрилиннэ. Хомуллубут үп-харчы бүтүннүүтэ байыаннай дьайыы кыттыылаахтарыгар…
Усуйаана улууһугар сэлии фаунатын тобохторун хомуйууну уонна эргиниини бэрэбиэркэлиир кэмҥэ, уопсай ыйааһына 20,7 киилэ буолар…
Камчатка кыраайын Елизово куоратыгар пауэрлифтиҥҥэ Уһук Илин федеральнай уокурук чөмпүйэнээтэ ыытылынна. Күрэхтэһии чаҕылхай кыттааччыларын быыстарыгар…
ИДьМ сулууспатын «Дьокуускайдааҕы» 2 №-дээх полициятын отделын дьуһуурунай чааһыгар дьахтар кыбартыыратыттан икки тэлэбиисэри уорбуттарын туһунан…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салайыытынан социальнай эбийиэктэр тутууларын боппуруостарыгар мунньах ыытылынна. Мунньахха…
Сааны бас билээччилэр федеральнай сокуонунан көрүллэр быраабылалары кытаанахтык тутуһуохтаахтар, диэн Росгвардия пресс-сулууспата санатар. Гражданин ханнык…