Хаартыска: Sakhagov
СӨ Бырабыыталыстыбатын бэрэссэдээтэлин бастакы солбуйааччыта Дмитрий Садовников Өймөкөөн уонна Абый улуустарыгар ардахтан халаан содулун туоратыы хаамыытын туһунан иһитиннэрдэ. Бүгүҥҥү туругунан 1577 киһиэхэ биир кэмнээх материальнай көмө уонна баайы-дуолу чөлүгэр түһэриигэ 40 мөлүйүөнтэн тахса солкуобай төлөннө.
Билигин сайаапканы тутуу түмүктэммитин үрдүнэн, «Госуслуги» портаал нөҥүө ылыллан хаалбыт сайаапкалары көрүү салҕанар. Миэстэлэригэр улуустааҕы уонна судаарыстыбаннай тэрилтэлэр биригээдэлэрэ үлэлэрин салгыыллар. Өймөкөөн улууһугар наадалаах тутуу матырыйааллаах тиһэх таһаҕас массыыната ыытылынна. Абый улууһугар, Кэбэргэнэ сэлиэнньэтигэр, олорор дьиэлэри өрөмүөннүүр матырыйааллар номнуо тиэрдилиннилэр, улуус бэйэтин күүһүнэн көхтөөхтүк үлэлиир. Ону таһынан, Дьокуускайга «Энергетик» лааҕырга сынньаммыт ууга барбыт улуустар оҕолоро үөрэх дьылын саҕаланыытыгар номнуо дьиэлэригэр төннөллөр.
Ил Дархан Айсен Николаев ыйааҕынан сорох нэһилиэнньэлээх пууннарга муниципалитеттар сайаапкаларыгар сөп түбэһиннэрэн оттук сезона номнуо саҕаланна.
«Мин санаабар, ситэриилээх былаас уорганнара бэйэлэрин эбээһинэстэригэр бары туох кыалларынан эппиэтинэстээхтик сыһыаннастылар уонна туруоруллубут соруктары толордулар. Ол эрээри үлэ салҕанар – биһиги эмсэҕэлээбит улуустарга олох толору чөлүгэр түһэрин туһугар барытын оҥоробут», – диэн Дмитрий Садовников бэлиэтээтэ.
Үөһээ Бүлүү улууһун Хомустаах сэлиэнньэтигэр саҥа искибиэр үөрүүлээх быһыыга-майгыга аһылынна. Бу РФ Бэрэсидьиэнэ Владимир Путин…
2022 сыллаахха оҥоһуллубут Саха сиригэр саҥа көлүөнэ «Экстра Синема» киинэ ситимэ өрөспүүбүлүкэҕэ креативнай индустриялар уларыйыыларын…
«Сулустаах» түөлбэ аттыгар саҥа үөрэх дьылын саҕаланыытыгар 990 миэстэлээх 40-с нүөмэрдээх орто оскуола аһыллыаҕа. Аныгылыы…
Владивосток куората «Саха сирин тимир суоллара» акционернай хампаанньа Куубагын иһин мас-рестлиҥҥэ аан дойдутааҕы турниры ыытарга…
Дьокуускайга Сэбиэскэй Аармыйа 50 сыла уулуссаҕа айан-сырыыны хааччахтыыр туһунан иһитиннэрдилэр. Уулуссаны сабыы нэдиэлэттэн ордук кэмҥэ…
Өрөспүүбүлүкэ үгүс мэдиссиинэ тэрилтэлэрэ холбоммут ТГ-ханаалга анал чаттарыгар бүгүҥҥү күҥҥэ 936 киһи тус ыйытыылардаах таҕыста.…