Хаартыска:
Судаарыстыбаннай өҥөлөр порталларыгар Саха сирин нэһилиэнньэлээх пууннарыгар халаантан эмсэҕэлээбит дьонтон сайабылыанньалар салгыы киирэллэр. Барыта итинник 891 сайабылыанньа киирбитин туһунан СӨ Экологияҕа министиэристибэтин ууга сыһыаннаһыыга уонна экологияны сырдатыыга департаменын салайааччы Зинаида Васильева брифиҥҥэ иһитиннэрдэ.
Сайабылыанньаны халаан содулунан баайы-дуолу сүтэриинэн сибээстээн, биир кэмнээх матырыйаалынай, үбүнэн көмөҕө наадыйааччылар суруйаллар.
«Ыам ыйын 23 күнүнээҕи туругунан, 891 сайабылыанньа ылыллыбытыттан биир кэлим матырыйаалынай көмөҕө – 461, үбүнэн көмөҕө 430 сайабылыанньа”, — диэн иһитиннэрдэ салайааччы.
Халаантан Нам улууһугар 2 566, Өлүөхүмэ улууһугар – 502, Ньурба улууһугар 29 киһи эмсэҕэлээтэ.
Спикер ону таһынан өрөспүүбүлүкэ сиригэр-уотугар гидрология балаһыанньатын билиһиннэрдэ.
Муус Өлүөнэ уонна Бүлүү өрүстэргэ салгыы устар. Эдьигээн уонна Кэбээйи улуустарыгар күүскэ бара турар.
Дьааҥы уонна Халыма өрүстэргэ муус барар. Чугастааҕы күннэргэ Уус Ньара таһынан Индигир өрүс эстэрэ күүтүллэр.
Санатан эттэххэ, Айсен Николаев ыйааҕынан, халаанынан сибээстээн, Саха сиригэр ыам ыйын 20 күнүттэн ыксаллаах быһыы-майгы эрэһиимэ киллэриллибитэ. Эрэгийиэн бырабыыталыстыбатыгар нэһилиэнньэлээх пууннары уонна экэниэмикэ эбийиэктэрин чөлүгэр түһэриигэ, эмсэҕэлээбит дьоҥҥо социальнай уонна матырыйаалынай көмөнү оҥорууга дьаһаллары ыларга сорудахтаммыта.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…