Хаартыска: СИА
Саха сирин олохтоохторугар сааскы халаан уутуттан эмсэҕэлээбиттэргэ хоромньуларын толуйарга 1 миллиард солкуобайы ыытыахтара.
Төлөбүрдэри сыл бүтүөр диэри ыытыахтара. Бу туһунан Ил Дархан Айсен Николаев «Прямой разговор» биэриигэ иһитиннэрдэ. 655 мөлүйүөн солкуобайтан тахса үп-харчы РФ Бырабыыталыстыбатын резервнэй пуондатыттан киириэҕэ, өссө 330 мөлүйүөнтэн тахса үп-харчы өрөспүүбүлүкэ бүддьүөтүттэн ыытыллыаҕа. Төлөбүрдэр сүтэрбит дьиэлэрин-уоттарын атыылаһыыга эбэтэр туттууга, ону тэҥэ эмсэҕэлээбит олорор дьиэлэри хапытаалынай өрөмүөннэрин ыытыыга барыахтара. «Бүгүн сыл бүтүөр диэри төлөбүрдэри толору ыытарга сорудахтаатым», — диэн Айсен Николаев бэлиэтээтэ.
Саха сирин Тутуу министиэристибэтин дааннайынан, олорор дьиэни чөлүгэр түһэрэр кыаҕа суоҕунан 94 олорор дьиэ билиниллибитэ, алдьаммыттарынан — 651 дьиэ. Дьиэни чөлүгэр түһэриигэ 292 олорор дьиэ өрөмүөннэммит, салгыы 103 дьиэ өрөмүөнэ ыытыллар. 256 ыал төлөбүрү биэрэллэрин күүтэллэр.Билигин көрүллүбүт үбү-харчыны кылгас болдьоххо тиэрдии үлэтэ бара турар.
Дьокуускай олохтооҕо буомба иитиллибитин туһунан сымыйа иһитиннэриини тарҕатан буруйдааҕынан ааҕылынна. 41 саастаах эр киһиэхэ холуобунай…
Ставропольскай кыраай олохтооҕо бэрик биэрбитинэн уопсай эрэсиимнээх холуонньаҕа тоҕус сылга көҥүлэ быһылынна. Суут Нерюнгрига буолла.…
Үөһээ Бүлүү улууһун баһылыга Валерий Николаев тыа хаһаайыстыбатын салалтатын кытта эһиилгиттэн олоххо киирэр боппуруостары дьүүллэстэ.…
Саха сиригэр Кыһыл кинигэҕэ киирбит 11 хатыыһы бултаан омук гражданина буруйданна. Бу туһунан ахсынньы 16…
“Ыллаа-туой, тыам сирэ!” өрөспүүбүлүкэтээҕи бырайыак чэрчитинэн ырыаһыт, ырыа айааччы Валерий Ноев төрөөбүтэ 85 сылын, үбүлүөйдээх…
РФ Үлэҕэ, социальнай сайдыыга миниистирэ Антон Котяков ахсынньы 28 күнүгэр үлэ күнэ кылгас буолуон сөп…