Хаартыска: сахагов
Саха сирин халаантан эмсэҕэлээбит оройуоннарын олохтоохторуттан көмө көрдөөн 2 тыһ. тахса сайабылыанньа киирдэ. Бу туһунан Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников иһитиннэрдэ.
“Бүгүн, Үлэҕэ уонна социальнай сайдыыга министиэристибэ чахчытынан, эмсэҕэлээбит оройуоннартан 2021 сайабылыанньа киирбитэ. Итинтэн биир кэмнээх матырыйаалынай көмөҕө – 1456. Үбүнэн көмөҕө – 564. Биир сайабылыанньа – ЫБМ түмүгэр доруобуйата эмсэҕэлээбит киһиттэн биир кэмнээх босуобуйаҕа. Бу үлэни кэлэр ый бастакы дэкээдэтигэр түмүктүөхтээхпит”, — диэтэ Дмитрий Садовников.
Кини Тутууга министиэристибэ 235 дьиэни чинчийбитин бэлиэтээтэ: 34 – элбэх кыбартыыралаах дьиэлэргэ, 201 – кэтэх дьиэлэргэ. Ол түмүгэр 122 дьиэ уонна кыбартыыра хапытаалынай өрөмүөҥҥэ наадыйар. Чуолаан, Абый оройуонугар Кэбэргэнэ сэлиэнньэтигэр 14 кэтэх ыал дьиэтэ.
“Өймөкөөн оройуонугар 5 дьиэҕэ киһи салгыы кыайан олорор кыаҕа суох буолбут. Өрөспүүбүлүкэ баһылыгын сорудаҕынан оттук сезона саҕаланыар диэри бу олохтоохторго олорор дьиэни биэрии боппуруоһа быһаарыллыахтаах”, — диэтэ Дмитрий Садовников. Инфраструктураны чөлүгэр түһэрии ыытыллар. Тырааныпсар министиэристибэтэ муниципальнай суолларга тахсыбыт ночооту ааҕар. ОДьКХ министиэристибэтин чахчытынан, өрөмүөн үлэтин атырдьах ыйын 20 күнүгэр түмүктүөхтэрэ. Тыа хаһаайыстыбатын министиэристибэтэ 49 хаһаайыстыбаны уонна 3 сылгы баазатын чинчийдэ.
“Урбаан министиэристибэтэ Өймөкөөн оройуонугар таһаҕаһы тиэйиини быһаарда. 18 массыына тиийиэхтээх. Абый оройуонугар авиация тиэхиньикэтинэн уонна өрүһүнэн барыаҕа. Бу боппуруос быһаарыллар. Икки рейскэ сөп түбэһэр 8 туонна таһаҕаһы “Полярные авиалинии” тиэйэргэ бэлэм”, — диэтэ Саха сирин бастакы вице-премьерэ.
Доруобуйа харыстабылын министиэристибэтэ Өймөкөөн оройуонугар үлэлиир, салгыы Абыйга барыахтара. Оройуоннартан тиийбит биригээдэлэр дьиэ муостатын көтүрэллэр эбит.
СӨ Ил Дарханын уонна Бырабыыталыстыбатын пресс-сулууспата
Билигин бырааска тэйиччиттэн суруттарар кыах баар буолла. Электроннай больничнайы эмиэ маннык оҥорторуохха сөп. Ол барыта…
Беларусь Өрөспүүбүлүкэтин Минскэй куоратыгар олунньу 20-22 күннэригэр үс төгүллээх олимпийскай чөмпүйүөн Александр Медведь бирииһигэр көҥүл…
Ленскэй оройуонугар биир киһи «ВАЗ-2121» массыынаны алдьатан, холуобунай дьыалаҕа эрилиннэ. Бу туһунан ИДьМ пресс-сулууспата иһитиннэрдэ. …
80 саастарын ааспыт кырдьаҕастары, эбэтэр, 1 группалаах инбэлииттэри көрөн-харайан олорор кэм биэнсийэҕэ страховой ыстаас быһыытынан…
Нам улууһугар олунньу 15 күнүгэр СӨ хапсаҕайга федерациятын президенэ Николай Румянцев бирииһигэр республикатааҕы «Эҥсиэли хапсаҕайа»…
Өрөспүүбүлүкэҕэ “Саха сирэ – дьоруойдар дойдулара” каадыр бырагыраматын олоххо киллэрии бара турар. Барыл кыттыылаахтара өрөспүүбүлүкэ…