Халбаакы оскуолатыгар кылгас түгэн элбэҕи кэпсээтэ (видео)

Командировкаҕа сылдьан суруналыыс киһи тиийбит сиригэр туох эрэ уһулуччулааҕы, атын нэһилиэктэргэ суоҕу көрдүүр.

Бүлүүгэ Халбаакы оскуолатын тиэргэнигэр киирээт, үс тэпилиисэҕэ хараҕым хатанна. «Ол аата бу оскуола оҕуруот аһынан бэйэтин хааччынар эбит» диэн санаа көтөн түстэ.

Салгыы баран иһэн, биир көстүүнү соһуйа да, сөҕө да көрдүм. Дьэ, ол маннык буолла.

Оскуолаҕа киирээт, оҕо үөрэнэр тэрилтэтэ Социалистическай Үлэ Дьоруойа Прокопий Быканов аатын сүгэрин бэлиэтэ — киниэхэ анаммыт истиэндэ — мусуойу сэргии көрдүм. Билигин кыараҕас оскуолаларга мусуойга миэстэ көстүбэт кыһалҕатын маннык холкутук быһаарыахха сөп эбит ээ. Биир истиэндэ — бэйэтэ дьоҕус түмэл!

Салгыы хаартысканан кэпсээтэххэ, оскуола үлэтин ис хоһооно тахсан кэлэр. Бэрт аҕыйах мүнүүтэ эрээри, билигин тирээн турар сорук — оҕону Ийэ дойдуга бэриниилээх буолууга иитэр үлэ бу мантан саҕаланар буоллаҕа эбээт!

Видеоҕа Елена Потоцкая устуута