Халбаакы учаастактааҕы балыыһата саҥа массыыналанна

Ол курдук «Доруобуйа» национальнай бырайыак чэрчитинэн «Суһал көмө» УАЗ массыына күлүүһүн Ил Дархан Айсен Николаев Халбаакы нэһилиэгин учаастактааҕы балыыһаҕа үөрүүлээх быһыыга-майгыга туттарда.

—Халбаакы нэһилиэгэ улуус кииниттэн 15 км хоту диэки Бүлүү өрүс уҥуор «Бөргөмдө» күөл кытылыгар сытар. Онон, өрүс уҥуор кини стратегическэй суолталаах.  Бу массыыналар доруобуйа харыстабылын маҥнайгы тиһигэр аналлаахтар. Инньэ гынан онно сөп түбэһэр гына собуокка таҥыллыбыттар. Ханнык да ыраах сиргэ эмтэнии дөбөҥ уонна түргэн буоларын тупсарыыга туһуланаллар. Ол эбэтэр ыарыһахтары таһыыга уонна анализтары илдьиигэ сүүрүөҕэ. Кэнники биэс сылга Саха сирэ доруобуйа харыстабылыгар уопсайа барыта 376 массыынаны ылбыт. Онтон Бүлүү улууһа бу сылга бэһис массыынатын күлүүһүн тутта, — диэн t.me/bylyy_uluuha суруйар.