СӨ Бэтэринээрийэҕэ департамент тус архыыбын хаартыската туһанылынна
Бу күннэргэ СӨ Бэтэринээрийэҕэ департамена «Стародворские колбасы» диэн Владимирскай уобаласка оҥоһуллубут халбаһы бородууксуйатыгар сибиинньэ африканскай чумаатын вируһун булбуттарын туһунан иһитиннэрдэ. Бу туһунан СӨ Бэтэринээрийэҕэ департаменын салайааччы Петр Петров санаатын үллэһиннэ:
— «Вязанка» диэн бренд «Столичная» диэн ветчинатыгар сибиинньэ африканскай чуматын вируһа көһүннэ. Онон бэҕэһээ, балаҕан ыйын 19 күнүгэр, СӨ Бырабыыталыстыбатын иһинэн противоэпизоотическай хамыыһыйа тэриллэн халбаһы бородууксуйатыгар сибиинньэ чумаатын вируһа көстүбүтүнэн сибээстээн видео-сибээс нөҥүө мунньахтаатыбыт.
Биһиэхэ, балаҕан ыйын 15 күнүгэр, Владимирскай уобалас бэтэринээрийэтин кииниттэн «Столичная» диэн «Вязанка» бренд ветчинатыгар сибиинньэ африканскай чумаата көстүбүтүн туһунан иһитиннэрии киирбитэ. Бу бренд «Стародворские колбасы» диэн САУо оҥорон таһаарар бородууксуйата буолар. Россельхознадзор Амур уобалаһынааҕы уонна Саха сирин салаатынааҕы управлениета бэрэбиэркэлээбитинэн, биһиги өрөспүүбүлүкэбитигэр Алдан, Ленскэй, Нерюнгри, Мииринэй уонна Дьокуускай куоракка бу бородууксуйалар Новосибирскай уонна Владимирскай уобаластартан кэлбиттэр. Балаҕан ыйын 17 күнүгэр Нерюнгри оройуонун бэтэринээринэй исписэлиистэрэ 16 боруобаны ылбыттарыттан икки боруобаҕа сибиинньэ чуматын вируһа баара биллэр. Билиҥҥи туругунан, ветчина харалла сытар. Бу бородууксуйаны уматан суох оҥоруохтаахпыт. Бэтэринээринэй сулууспа тэрийбит сугулаанын түмүгүнэн, бэтэринээринэй быраабылалар чэрчилэринэн сибиинньэ африканскай чуматын бохсорго сөптөөх миэрэлэр ылыллыахтара.
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…