Халлаан туруга: Саха сиригэр тоһуттар тымныылар түстүлэр

Саха сирин үгүс улуустарыгар бүгүҥҥүттэн тоһуттар тымныылар түстүлэр.

Ол курдук Өлөөн, Мииринэй, Эдьигээн, Кэбээйи, Бүлүү, Үөһээ Бүлүү, Ньурба, Сунтаар, Горнай, Нам улуустарыгар 52-57 кыраадыс тымныйда, сорох сиринэн -57, — 62 тиийдэ.
Хотугулуу-арҕаа, Бүлүү эҥэринэн, Өлүөнэ алын өттүнэн күүстээх тымныы түстэ, нэһилиэнньэлэргэ туманнаах, түүнүн -52-57°, намыһах сирдэринэн -57-62° диэри тиийдэ. Арай соҕуруулуу-арҕаа, соҕуруу, хотугулуу-илин кыратык хаардыыр. Дьокуускайга күнүһүн 46-48 кыраадыс тымныйыа, туманнаах, тоһуттар тымныылар түстүлэр.

Бу күннэргэ күннээҕи кыраадыс орто көрдөрүү нуорматыттан 7° уонна онтон аллара түһүөн сөп диэн сэрэтэллэр.