«Халыма» суолугар хайаттан хаар сиҥнэн, айан тохтоото

«Халыма» тыраассаҕа хайаттан хаар сиҥнэн, суолу бүөлээн, айан тохтоото диэн СӨ суһал ыстааба иһитиннэрэр.

«Халыма» федеральнай айан суолун Р-504 учаастагар Теплай Ключ бөһүөлэгиттэн (475 км) Эльга өрүскэ диэри (867 км) бары тиэхиньикэҕэ айан сабылынна. Маннык хааччахтааһын 519 км, 524 км, 594 км хайаттан хаар сиҥнэн түһүүтүттэн кулун тутар 31 күнүттэн оҥоһуллар. Тыраасса 594 км учаастагар хайаттан хаар иккиһин сиҥнэн түстэ диэн суһал ыстаапка биллэрдилэр.

Бэдэрээтчит тэрилтэ суол тиэхиньикэтин дьуһуурустубатын тэрийэн, хаары ыраастааһын уонна чөлүгэр түһэрии үлэлэрэ ыытыллаллар. «Бүлүү» суол тэрилтэтэ суол аһыллыар диэри суоппардары массыынанан ити хайысханан айанныыртан туттуналларыгар көрдөһөр.

А-331 «Бүлүү» уонна Р-504 «Халыма» федеральнай суолталаах массыына суолларын туруктарын туһунан боппуруостарынан диспетчерскэй сулууспа төлөпүөүнэн: 8(924)593-80-28 билсиэххитин сөп.