Хаартыска «Бүлүү» суолун салалтатын пресс-сулууспатыттан
Бэҕэһээ Ыксаллаах быһыы-майгы министиэристибэтин Саха сиринээҕи управлениета «Халыма» федеральнай айан суолун 594 км хайаттан хаар сиҥнэн бүөлүү түһэн, айан-сырыы быстах кэмҥэ харгыстаммытын туһунан иһитиннэрбитэ.
«Бүлүү» суолун салалтата иһитиннэрбитинэн, бүгүн, кулун тутар 28 күнүнээҕи 10:00 ч. туругунан, «Халыма» федеральнай айан суолун Р-504 учаастагар Теплай Ключтан (478 км) Уус Ньараҕа (963 км) диэри айан сырыыта хааччахтанан турар.
Санатар буоллахха, бэҕэһээ, кулун тутар 27 күнүгэр 17:00 ч. «Халыма» федеральнай айан суолун 594 км хайа хаара сиҥнэн суолу бүөлүү түһэн, тиэхиньикэ сырыыта быстах кэмҥэ тохтообута. Бөөлүүн хаар сиҥниитэ өссө үс учаастакка: 590+000 км, 594+000 км, 594+200 км бэлиэтэннэ. Хаар өлгөмнүк түһүүтүнэн сибээстээн сиҥнии өссө тахсар куттала баар диэн «Бүлүү» суолун салалтатын пресс-сулууспата иһитиннэрэр. Билигин суол сулууспалара хаары ыраастааһын уонна сырыыны чөлүгэр түһэрии үлэлэрин ыыталлар.
Манна барыта суол 9 тиэхиньикэтэ үлэлии сылдьар: 3 комбинированнай суол тиэхиньикэтэ, 2 К-700 бульдозер, 2 автогрейдер, 1 экскаватор. Түүннэри-күнүстэри суол тиэхиньикэтэ дьуһуурустубалыыр. Суоппардар тохтуур сирдэрэ 552 км, 596 км, 728 км баар.
«Бүлүү» суолун салалтата бу хайысханан тиэхиньикэлээх дьон суол аһылыннаҕына эрэ айанныылларыгар көрдөһөр уонна суукканы эргиччи 89245938028 диспетчерскэй сулууспа түлүпүөнэ үлэлиирин санатар.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…