«Халыма» айан суолун учаастага быстах кэмҥэ сабылынна

Атырдьах ыйын 1  күнүттэн Таатта улууһугар «Халыма» айан суолун 274 — 282-с км диэри учаастакка тырааныспар бары көрүҥнэригэр айан суола быстах кэмҥэ сабылынна.

Бу туһунан «Бүлүү» суол управлениетын пресс-сулууспата СИА иһитиннэрэр. Айан-сырыы суола уһун ардахтан уонна ыарахан таһаҕастаах улахан көлөлөртөн алдьаммыт. Онон суол көнүөр диэри бу хайысханан айанныыртан тохтоон эрэргитигэр сүбэлииллэр.

Суол туругун чопчулаһыан баҕалаахтары  +7 924 593-80-28 төлөпүөҥҥэ эрийэргитигэр этэллэр.