Хаартыска: www.sakha.gov.ru
Таатта улууһугар «Халыма» айан суолунан массыына сырыыта аччаабыта үс күҥҥэ бобулунна. Суол аһыллыыта уу таһымыттан тутулуктаах. Ол туһунан СӨ тырааныспарга уонна суол хаһаайыстыбатыгар миниистирэ Владимир Сивцев иһитиннэрдэ.
Бу быһаарыныы үөһээттэн иһэр уу харгыһа суох Алдан өрүскэ түһэригэр уонна Чөркөөх, Боробул, Ытык Күөл сэлиэнньэлэрэ ууга барбаттарын гына ылылынна.
«Бүгүн 14:30 чаастан «Халыма» суолунан сырыы сабылынна. Билигин быһыыны-майгыны кэтээн көрөбүт. Манна массыына сырыыта үс сууккаттан итэҕэһэ суох тохтуоҕа. Барыта уу таһымыттан тутулуктаах. Суолу түргэнник чөлүгэр түһэрэргэ кыһаллабыт. Үлэлэр федеральнай суол ааҕыныстыбатын кытта тэҥҥэ ыытыллаллар», — диэн Владимир Сивцев эттэ.
Миниистир бэлиэтээбитинэн, ааспыт нэдиэлэҕэ «Кэбээйи» айан суола оҥоһуллан, массыына айана саҕаланна. Манна уу суолу барыта 7 сиринэн алдьаппыта.
Онтон өрөбүллэргэ «Амма» суолун уу икки сиринэн алдьатта. Айан тохтоон турар. Чөлүгэр түһэрии үлэ уу таһыма түстэҕинэ саҕаланыаҕа.
Муниципальнай суолларга уустук быһыы-майгы Горнай улууһун Кэптин сэлиэнньэтигэр уонна Уус Алдан улууһун Танда уонна Кыыллаайы сэлиэнньэлэригэр бэлиэтэнэллэр. Муниципалитеттар сайаапкаларынан айан-сырыы суох кэмигэр нэһилиэнньэни табаарынан хааччыйарга вездеходнай тиэхиньикэ бэриллиэҕэ.
Анал байыаннай дьайыы кыттыылааҕа уонна «Саха сирэ – Дьоруойдар дойдулара» эрэгийиэннээҕи каадыр бырагырааматын кыттыылааҕа Тит…
Суукка иһигэр Дьокуускайга биэс суол саахала буолбут, ол түмүгэр икки киһи тыына быстыбытын туһунан ГАИ…
Москваҕа Арассыыйа Федерациятын Судаарыстыбаннай сэбиэтин «Энергетика» салаатыгар хамыыһыйа мунньаҕа буолла. Мунньаҕы хамыыһыйа салайааччыта – Саха…
Бүгүн Саха сириттэн байыаннай дьайыы буола турар сиригэр байыастарга тиэхиньикэ саппаастарын, гуманитарнай көмөнү уонна сэргэни…
Бүгүн Чурапчы улууһугар оскуоланы кыһыл уонна үрүҥ көмүс мэтээлинэн бүтэрбит 17 выпускнигы чиэстээтилэр. Кыһыл көмүс…
Дьокуускайга полиция 2-с №-дээх отделыгар олохтоох дьахтар кыһыл көмүс киэргэллэрин уордарбытын туһунан иһитиннэрбит. Кини кыбартыыратыттан…