Халыма өрүс уутун таһыма кутталлаах кирбииттэн түспүт

Халыма өрүскэ үөскээбит муус харыытын тохтотор үлэлэри ыыппыттарын кэнниттэн, бүгүн сарсыарда уу таһыма кутталлаах кирбииттэн түспүт. Бу туһунан брифиҥҥэ УГМС начаалынньыгын солбуйааччы Татьяна Маршалик иһитиннэрдэ. Кини кэпсээбитинэн, Орто Халыма куорат таһыгар уу таһыма бэҕэһээ киэһэ 99 см-нан кирбиини ааһа сылдьыбыт. 

Өлүөнэ өрүс мууһа Кэбээйи оройуонунан хойуутук устар. Эдьигээн диэки хамсааһын бэлиэтэнэр. Биир-икки күнүнэн муус барара күүтүллэр.

Дьааҥы өрүс мууһа Дьааҥы оройуонунан хойуутук устар. Аҕыйах күнүнэн Уус-Куйгаҕа муус хамсыыра күүтүллэр.

Индигиир өрүс мууһа Өймөкөөн оройуонун диэки устар. Сотору кэминэн Муомаҕа тиийэрэ күүтүллэр.

Уу эбийиэктэригэр буруйу оҥорууну уонна быһылааны тахсыытын сэрэтэр, туоратар сыалтан, барыбыттан болҕомтолоох буолуу ирдэнэр. Уу эбийиэктэригэр куттал суох буолуута – биһиги барыбыт уопсай эппиэтинэспит. Бэйэбит уонна чугас дьоммут олохторун, доруобуйаларын харыстыыр туһугар, бары ирдэбиллэри тутуһан, сэрэхтээх буолуоҕуҥ! Этэҥҥэ сылдьыҥ!

Сиһилии sakha.gov.ru ааҕыҥ.