«Халыма» федеральнай суол учаастагар айан-сырыы тохтоото

«Халыма»  Р-504 федеральнай суол учаастагар тырааныспар бары көрүҥэр айан-сырыы тохтотулунна диэн «Бүлүү»  Упрдор пресс-сулууспата иһитиннэрдэ.

Биэдэмистибэ иһитиннэрбитинэн,  от ыйын 6  күнүгэр,  20.45 ч.  «Халыма» суол  852+100 км учаастагар Өймөкөөн оройуонугар  тырааныспар бары көрүҥэр айан-сырыы быстах кэмҥэ тохтотулунна. Туһааннаах учаастакка  күүстээх ардах түһэн, суол алдьаммыт.

«Бүлүү» ФКУ Упрдор  суоппардарга туһааннаах суолунан айаҥҥа туруммаккытыгар сүбэлиир. Сиһилии иһитиннэриини диспетчер сулууспатыгар 8 924 593 80 28 нүөмэргэ эрийэн билсиҥ.