Хаартыска: Гаврил Местников тиксэриитэ.
Бу күннэргэ “Халыма” федеральнай суол Таатта улууһун эҥэр олох киһи айаннаабат буолан турарын туһунан араас видео уонна хаартыска социальнай ситимнэринэн тарҕанна.
Уустук балаһыанньа туһунан “Бүлүү” Упрдор ФКУ пресс-сулууспатын салайааччыта Гаврил Матвеевтан быһаарарыгар көрдөстүбүт:
— Бу күннэргэ уһун ардах түһэн, “Халыма” федеральнай суол Таатта улууһун эҥэринэн ылбычча киһи айаннаабат буолла. Онон сибээстээн балаҕан ыйын 13 күнүттэн балаҕан ыйын 14 күнүгэр диэри массыына айана хааччахтанна. Быстах кэмҥэ хааччахтааһын суолу чөлүгэр түһэрэр уонна күн-дьыл туруга мөлтөх кэмигэр ыарахан уйуктаах массыыналар айанныыр кэмнэригэр суол куттала суох буолуутун хааччыйар инниттэн салалта маннык быһаарыыны ылынна. Бу этиллибит кэм устата бэдэрээтчит суолу чөлүгэр түһэрэргэ бары наадалаах дьаһаллары ыытар. Суолу оҥорууга 21 тиэхиньикэ үлэлиэҕэ: үс автогрейдер, үс экскаватор, үс бульдозер, тоҕус самосвал, икки трал, биир УАЗ массыына.
“Бүлүү” Упрдор “Халыма” суолунан сылдьааччылары күн-дьыл туруга уонна суол туруга тупсуор диэри бу хайысханан айанныыртан туттунарга ыҥырар. Федеральнай суолталаах А-331 “Бүлүү” уонна Р-504 “Халыма” федеральнай суоллар туруктарын 8 (924) 593-80-28 ФКУ диспетчерскэй сулууспатыгар эрийэн билсиэххитин сөп.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…