Хаартыска: Тутуу министиэристибэтин телеграм-ханаала.
Бу күннэргэ СӨ тутууга миниистирэ Виктор Романов Халыма-Индигиир быыбардыыр уокуругуттан Ил Түмэн дьокутааттара Гаврил Алексеевы уонна Евгений Слепцовы кытта көрүстэ.
Өрүттэр Үөһээ Халыма, Орто Халыма, Абый, Муома уонна Өймөкөөн улуустарыгар инфраструктураны сайыннарыыга туһуламмыт социальнай эбийиэктэри тутуу боппуруостарын дьүүллэстилэр. “Саха сирэ 21-с үйэҕэ” үтүө дьыала өрөспүүбүлүкэтээҕи хамсааһын чэрчитинэн инвестиция бырагыраамаларын, бырайыактарын олоххо киллэрии боппуруостара Халыма-Индигиир уокуругар сытыытык турар. Ол курдук, Өймөкөөн улууһун Үчүгэй нэһилиэгэр судаарыстыба бүддьүөтүттэн үп көрүллүбүт 60 миэстэлээх оскуола тутуутун түмүктээһин былааннанар. Өймөкөөн улууһун Өймөкөөн нэһилиэгэр, Орто Халыма улууһун Среднеколымскай, Абый улууһун Кэбэргэнэ нэһилиэктэригэр элбэх кыбартыыралаах исписэлиистэр дьиэлэрэ тутуулара эмиэ былааҥҥа турар.
— Тутуу үлэтин кэмигэр түмүктүүр туһугар, муниципальнай сакаасчыттар быйылгы сыллааҕы көрүллүбүт дуогабардары кытта тэтимнээх үлэни ыыталлара наада. Бу бэдэрээтчиттэр тутуу матырыйаалларын миэстэтигэр кэмигэр тиэрдэллэригэр кыаҕы биэриэҕэ. Сүрүн бырайыактар бары олохтоммут болдьоххо түмүктэниэхтээхтэр, онон бу дьүүллэспит боппуруостарбыт ураты хонтуруолга сылдьаллар», — диэн бэлиэтээтэ миниистир Виктор Романов көрсүһүүнү түмүктүүрүгэр.
Халыма-Индигиир быыбардыыр уокуругар Ил Түмэн дьокутааттара бу түөрт хотугу улууска олорор усулуобуйаны тупсарыыга туһуламмыт саҥа бырайыактары олоххо киллэриини сэргэ, тутулла турар эбийиэктэри түмүктээһин улахан суолталааҕын кытта сөбүлэстилэр уонна туһааннаах үлэни ыыталларын иһитиннэрдилэр.
Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…
Бүгүн, атырдьах ыйын 30 күнүгэр, Дьокуускай куоракка Саха гимназиятыгар уопсастыбанньыктар, волонтердар, төрөппүттэр, үөрэнээччилэр кыттыылаах "Дьокуускай…
Өймөкөөн улууһун Сордоҥноох нэһилиэгин олохтоохторо Марта уонна Михаил Винокуровтар сайыҥҥы кэмҥэ оҕону үлэҕэ сыһыаран үлэ…
"Карат” диэн ыҥырыллар ааттаах, төрөөбүт Сахатын сиригэр “Е. Николаевна” диэн ытыктабыллаахтык ааттанар кэрэ аҥаар 2001 сылтан…
2025 сыл балаҕан ыйын 1 күнүттэн баантан эбэтэр микро-үп тэрилтэлэриттэн (МФО) ханнык эрэ табаары ыларга…
Полиция үлэһиттэрэ сокуоннай саастарын ситэ илик оҕолор көрүүтэ-истиитэ суох сылдьыыларын уонна буруйу оҥорууларын сэрэтэр систиэмэ…