Хаартыска -- Виктория Контоева тиксэриитэ
“Якутскэнерго” ПАУо генеральнай дириэктэрэ, Халыма-Индигиир уокуругуттан Ил Түмэн дьокутаата Гаврил Алексеев үөрэнээччилэргэ анаан “Кэлэр кэм энергетиктэрэ” олимпиада тэрийбит.
Муома, Үөһээ Халыма, Орто Халыма, Өймөкөөн уонна Абый улуустарыттан ол олимпиадаҕа кыайан кэлбит оҕолор норуот дьокутаатын кытта көрсөн санааларын атастастылар, ситиһиилэрин, оскуолаларын олоҕун билиһиннэрдилэр. Суолталаах тэрээһин 16 кыайыылааҕа Дьокуускайга “Якутскэнерго” ПАУо тэрилтэтигэр өрөспүүбүлүкэ стратегическай суолталаах эбийиэктэрин — ГРЭС уонна ТЭЦ курдук бөдөҥ тэрилтэлэри, тэрилтэ түмэлин кытта билистилэр. Оҕолор идэлэрин таба талалларыгар туһуламмыт М.К.Аммосов аатынан ХИФУ Физико-тиэхиньичэскэй институтугар, Арктическай агротехнологическай университекка (АГАТУ) экскурсияҕа сырыттылар.
Маны таһынан, олимпиада кыайыылаахтара «Якутскэнерго” үөрэтэр-производственнай киинигэр “Бэйэҕин энергетик курдук сананан ыл” диэн маастар-кылааска сылдьан, бэрт элбэҕи биллилэр-көрдүлэр, билиилэрин хаҥаттылар. “Энерготур” диэн ааттаммыт тэрээһин түмүгэр Арктика уонна хотугу улуустар оҕолоро «Карина» диэн аатырбыт киинэҕэ олимпиада тэрийээччититтэн билиэт бэлэх тутан сырыттылар. Олимпиада кыайыылаахтара Норуоттар икки ардыларынааҕы Арктика оскуолатын тупсаҕай кампуһугар олордулар.
Өрөспүүбүлүкэ кылаабынай энергетигэ, норуот дьокутаата, Гаврил Алексеев Халыма-Индигиир уокуругун оҕолоругар «Кэлэр кэм энергетиктэрэ» профориентационнай бырайыак сыл аайы ыытыллыаҕа диэн эрэннэрдэ.
Психолог сүбэтэ Ксения Ивашковская – Психоневрология өрөспүүбүлүкэтээҕи диспансерын килиниичэскэй психолога, дьиэ кэргэн психолога, консультант,…
Байыаннай дьайыы саҕаланыаҕыттан амарах санаалаах дьон, волонтердар күүс-көмө буолаллар, үгүстэрэ бэйэлэрин сүрүн үлэлэрин таһынан. Госпиталларга…
Өлүөнэ эбэ мууһа Кэбээйи, Нам, Уус Алдан улуустарынан устар. Нам улууһун сиригэр-уотугар 08:00 ч. иһитиннэриинэн,…
Нам улууһугар сааскы халаан уутуттан эмсэҕэлээбит нэһилиэнньэлээх пууннарга уу таһымын туһунан улуус дьаһалтатын пресс-сулууспата иһитиннэрэр.…
Улуу Кыайыы 79 сылынан Уус Алдан улууһун Суотту нэһилиэгэ ытык кырдьаҕастарыгар ас-үөл наборун туттарда. Ону…
Тыа хаһаайыстыбатыгар үүт туттарыы – тыын боппуруос. Үүт туттарыллан үрүҥ-ас дэлэйэр, олохтоох аспытын-үөлбүтүн аһыыбыт, дьон…