Хаартыска sakha.gov.ru ылылынна.
Халыма оройуоннарыгар чычаас ууга устар кыахтаах суудуналар 114 туоннаттан тахса аһы-үөлү тиэртилэр.
Якутоптторг «Фрейр» уонна «Актер» диэн оннук суудуналара Халыманан 17 рейси оҥордулар. Бу бэс ыйын 20 күнүттэн балаҕан ыйын саҥатыгар диэри. Онон Зырянкаҕа уонна Орто Халыма куоратыгар 114 туонна ас-үөл арааһа тиэрдилиннэ.
Арктика өрүстэригэр уу таһыма намыһах буолан, 2019 сылтан Якутоптторг суудуналара Орто Халыманы уонна Зярынканы аһынан-үөлүнэн хааччыйарга Халыма өрүһүнэн кыайан айаннаабат этилэр. Ил Дархан Айсен Николаев сорудаҕынан, бу кыһалҕалаах боппуруоһу быһаарарга «Якутоптторг» АУо Арктика оройуоннарын оҕуруот аһынан уонна фруктанан тиһиктээхтик хааччыйарыгар «Фрейр» диэн 8 туоннаҕа диэри таһаҕас тиэйэр суудуналаммыта. Билигин «Фрейр» уонна оннук «Актер» суудуналар Зырянканы уонна Орто Халыманы ас-үөл арааһынан «Магдебург» теплоход-рефрижератор кэлиэр диэри хааччыйаллар.
«Логистика саҥа схемата оҥоһуллуор диэри биһиги аһы-үөлү быһаччы Владивостоктан ылбыппыт. Ол иһин, Дьокуускайдааҕар сыана чэпчэки буолан тахсыбыта. Бу тиһиктээхтик оҥоһуллар рейстэр. Онон навигация кэмигэр сибиэһэй аһылыгынан хааччылыннылар. Дьоннор билигин аһы-үөлү элбэҕи ылан бараары уочараттаан турбаттар. Сотору эмиэ ас-үөл тиэллэн кэлиэ диэн билэллэр. Бу биһиги үлэбит түмүгэ«, — диэн Якутопттортан иһитиннэрэллэр.
Бэлиэтэнэринэн, бу суудуналар Халыма оройуоннарыгар 114 туонна ас-үөл арааһын тиэрдибиттэрэ салгын аалынан 25 рейси оҥорбукка тэҥнээх.
Кыһынын «Фрейр» Үөһээ Халыма оройуонугар Зырянкаҕа саҥа эргиэн-логистика киинин сиригэр-уотугар турар. Эһиил суудуналар эмиэ ас-үөл арааһынан хааччыйарга үлэлээбитинэн барыахтара. Маныаха Дьааҥы өрүс кытыытынан сытар нэһилиэнньэлээх пууннары аһынан-үөлүнэн хааччыйарга өссө биир суудуна тутуллара былааннанар.
Сиһилии https://www.sakha.gov.ru/news/front/view/id/3375202 киирэн ааҕыҥ.
Суолу баттаһа оттугунан-уматыгынан хааччылыы хоту улуустарга тыын боппуруоһунан буолар. Аллайыаха улууһун Быйаҥныыр нэһилиэгэр хомунаалынай хаһаайыстыбаҕа…
Дьокуускайга ыам ыйын 10 күнүгэр элбэх кыбартыыралаах дьиэ тохсус этээһиттэн түөрт саастаах уол оҕо сууллубута.…
СӨ экологияҕа министиэристибэтэ Дьааҥы улууһугар ойуур баһаардарыттан уустук балаһыанньа буолбутунан сибээстээн, булт сезонун тохтотор туһунан…
Өлүөнэ өрүс мууһун алын кирбиитэ Ленскэй куораттан 10 км аллараа устар, үрдүкү кирбиитэ Ленскэй оройуон…
Ааспыт сууккаҕа Саха сиригэр 11 буруйу оҥоруу бэлиэтэммитин туһунан СӨ Борокуратуурата иһитиннэрэр. 1986 с.т. эр…
Соторутатааҕыта социальнай ситимнэринэн икки этээстээх үүтээн видеота тарҕаммыта. Бултуу кэлбит эр киһи сөҕөн, "лүүстүрэлээх, бильярдтаах,…