Хаартыска sakha.gov.ru ылылынна
Уоту утары охсуһааччылар уустук быһыы-майгы үөскээбит Үөһээ Халыма уонна Орто Халыма оройуоннарыгар бараллар. Бу туһунан СӨ вице-премьерэ Дмитрий Садовников бэрэссэдээтэллээх ойуур уотун утары охсуһууга үлэлэһэр суһал ыстаап мунньаҕар этилиннэ.
Үөһээ Халыма оройуонугар 50,4 тыһ. га иэннээх сиринэн 12 ойуур баһаара бэлиэтэнэр. Итинтэн түөрт ойуур баһаара көрөр-истэр сирдэригэр баар. Уоту умуруорууга 168 киһи, кинилэр ортолоругар 136 баһаарынай уонна 32 мобилизацияламмыт дьон үлэлииллэр. «Авиалесоохрана» баһаарынай парашютнай-десантнай сулууспатын 106 үлэһитэ, ол иһигэр Абакаантан авиаотделение 50 үлэһитэ, 10 — РФ ЫБМ, 10 – Саха сирин Быыһыыр сулууспатын, 5 – «Якутлесресурс» ГАУ, 5 – өрөспүүбүлүкэтээҕи баһаары утары охсуһар сулууспа үлэһиттэрэ бааллар.
Ордук элбэх киһи Уһун Күөлтэн 8 км тэйиччи сиргэ уоту умуруораллар. Онно билигин 69 киһи баар. Уот хаппыт иэнэ 6 тыһ. га, суукка устатыгар 231 га тэнийбит.
Ойуур баһаара буола турар сиригэр, от ыйын 18 күнүгэр, СӨ нэһилиэнньэ олоҕор куттал суох буолуутун хааччыйар Судаарыстыбаннай кэмитиэт бэрэссэдээтэлэ Дмитрий Лепчиков көппүт. Кини салгын аалынан көрүү-истии ыытыллыбытын иһитиннэрбит. Нэһилиэнньэлээх пууҥҥа билиҥҥитэ куттал суоһаабат. Ол гынан баран, тыал хайысхата уларыйар түгэнигэр, уоту суһаллык умуруорарга өрөспүүбүлүкэ бырабыыталыстыбата РФ ЫБМ уу кутар тэриллээх бөртөлүөтү биэрэргэ көрдөһүө.
Орто Халыма оройуонугар үс ойуур баһаара бэлиэтэнэр. Үөһээ Халыма оройуонуттан уратыта диэн, манна, баһаардар нэһилиэнньэлээх пуунтан ыраахтара уонна хонтуруолланар сиргэ бааллара буолар. Ол гынан баран, кэнники күннэргэ уот тэнийбит. Бүгүҥҥү иһитиннэриинэн, уот хаппыт иэнэ — 186 тыһ. га.
Саамай улахан баһаар Орто Халыматтан 176 км тэйиччи сиргэ бэлиэтэнэр. Манна биир арыыга булчут үүтээнэ умайбыт. Баһаар иэнэ 120 тыһ. га. Уоту умуруорууга 28 киһи үлэлиир, ол иһигэр «Якутлесресурс» ГАУ 6 үлэһитэ, 5 – СӨ Быыһыыр сулууспатыттан, 5 – баһаарынай чаастан, 3 дьаһалтаттан уонна олохтоох нэһилиэнньэттэн.
Орто Халымаҕа киэһээ «Авиалесоохрана» 14 үлэһитэ, 8 – Саха сирин Быыһыыр сулууспатыын үлэһитэ уонна биир кэтээн көрөр лүөччүк көппүтэр. Кинилэри баһаар буола турар сиригэр «Полярные авиалинии» бөртөлүөтэ тиэрдэр. Чугастааҕы күннэргэ Сунтаартан авиационнай баһаарынай сулууспаттан 20 киһи тиийиэхтээх.
Күн иккис аҥаарыгар Саха сиригэр 72 ойуур баһаара баара бэлиэтэнэр. 36 ойуур баһаарын умуруорууга үлэ ыытыллар, итинтэн 13 бохсуллубут.
Ойуур уотун муруорууга 891 киһи, 17 тиэхиньикэ үлэлиир. Манна сэттэ Ми-8, ботурууллааһыҥҥа – 11 салгын аала туһаныллаллар.
Гидрометсулууспа чахчытынан, Нам оройуонугар 5-с кылаастаах баһаар куттала бэлиэтэммит. Итинник кылаастаах баһаар Томпо оройуонугар баар. Халыма бөлөх оройуоннарыгар 3-с кылаастаах буолара ыйыллар, ардах суох.
СӨ Ил Дархан уонна Бырабыыталыстыба пресс-сулууспата
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…