«Халыма» суолугар айан-сырыы сөргүтүлүннэ

«Халыма» федеральнай суолга хайаттан хаар сиҥнэн,   үгүс массыына   хаайтаран турбута. Хаары ыраастааннар, бэҕэһээ, муус устар 2 күнүгэр, киэһээ 20 чаастан  айан-сырыы  чөлүгэр түһэриллибитин туһунан «Бүлүү» упрдор иһитиннэрдэ. 

Ол курдук, бу күннэргэ «Халыма» федеральнай  суолун Р-504 учаастагар Теплай Ключ бөһүөлэгиттэн (475 км) Эльга өрүскэ диэри (867 км) бары тиэхиньикэҕэ айан сабыллыбыта. Билиҥҥитэ суол биир балаһата үлэлиир. Сорох өттүн өссө да хаартан ыраастыы сылдьаллар.

А-331 «Бүлүү» уонна Р-504 «Халыма» федеральнай суолталаах массыына суолларын туруктарын туһунан боппуруостарынан диспетчерскэй сулууспа төлөпүөүнэн: 8(924)593-80-28 билсиэххитин сөп.