Хаартыска: Таатта улууһун дьаһалтатын пресс-сулууспата.
Таатта улууһугар үрэхтэр уулара эбиллэ турар. Уу бу курдук эбиллэ турдаҕына, олорор дьиэлэри да ылыан сөп. Онон федеральнай суол 294 килэмиэтиригэр ууну ыытан, быстах кэмҥэ сырыыны тохтотор туһунан быһаарыы ылылынна.
«Ыам ыйын 22 күнүгэр эбиэттэн киэһэ Халыма федеральнай суол 294 килэмиэтиригэр суолу алдьатыахтара. Бу быһаарыныы үөһээттэн иһэр уу харгыһа суох Алдан өрүскэ түһэрин хааччыйарга ылылынна. Онон Томпоҕо, Өймөкөөҥҥө быстах кэмҥэ сырыы тохтуоҕа.
Бүгүҥҥү күҥҥэ Уус Таатта суола 3 сиринэн быстан турар. Бу суолга икки муоста уонна турба ууну хаайан тураллар. Үөһээттэн кэлэр уу харгыһа суох барыытын хааччыйыыга бу сири хаһан дириҥэтии боппуруоһун үөрэтэн баран, үлэ ыытыллыаҕа», — диэн Таатта улууһун дьаһалтатын пресс-сулууспата иһитиннэрэр.
Даамбалары, үрэҕи, суолу көрөн-истэн баран, ыксаллаах быһыы-майгы хамыыһыйата нэһилиэнньэлээх пууннары быыһыыр туһуттан суолу алдьатар быһаарыыны ылынна. Хаар халыҥ буолан уонна ардах кэннэ Чурапчы уонна Таатта улуустарын ууну харайар сирдэрэ туолан, таһымнаан тураллар. Липпэлээх уонна Кыйы быһыттара алдьаммыттарын, суһаллык оҥорбуттара.
«Бу ыксаллаах балаһыанньаҕа саамай сөптөөх быһаарыы дии саныыбын. Быстах кэмҥэ суолу саппыт ордук, халаан содула улахан буолуон сөп. Уу түстэ да, суол бу учаастага оҥоһулла охсуоҕа, сырыы сөргүтүллүөҕэ. Урут да ыксаллаах түгэҥҥэ маннык дьаһаныы буолааччы» диэн бырабыыталыстыба бэрэссээдээтэлин солбуйааччы Дмитрий Садовников телеграм-ханаалыгар суруйда.
Түөкүттэр саҥаттан саҥа албастары толкуйдаан, дьонтон харчыларын суйдуу олороллор. Ол курдук, хара санаалаах дьон эмсэҕэлээччигэ…
Бүгүн, сэтинньи 5 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, Дьокуускай куоракка күн…
Бүгүн, сэтинньи 5 күнүгэр, өрөспүүбүлүкэ баһыйар үгүс өттүгэр хаардыаҕа. Хотугулуу-арҕаа өттүгэр сөҥүү түһэрэ күүтүллүбэт. Муора…
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…