Хаартыска Быыһыыр сулууспа киэнэ.
Саҥа дьыллааҕы уһун өрөбүллэргэ СӨ Быыһыыр сулууспатын быыһааччылара күн аайы дьуһуурустубалыыллар, ыксаллаах ыҥырыыга тиийэн көмөлөһөллөр.
Ол курдук, ахсынньы 31 күнүгэр Томпо улууһун Биир кэлим дьуһуурустубалыыр диспетчэргэ 112 систиэмэ көмөтүнэн Халыма федеральнай суолга «Черный прижим» учаастакка «Урал» массыына 10 миэтэрэ үрдүктээх сиртэн сууллубутун туһунан суһал иһитиннэрии киирбит. Хомойуох иһин, суоппар өлбүт.
Суоппары саахалламмыт тимир көлөттөн Тааттатааҕы Быыһыыр сулууспа быыһааччылара кэлэн арааран ылбыттар уонна полиция уорганнарыгар тиксэрбиттэр. Быһылаан тахсыбыт сиригэр силиэстийэлиир-суһал бөлөх үлэлээбит.
Таатта улууһунааҕы Быыһыыр сулууспа исписэлиистэрэ Томпоттон Саҥа дьыл буолар түүнүгэр айанныырга күһэллибиттэр. Онон дойдуларыгар Ытык Күөлгэ тохсунньу 1 күнүн сарсыардатыгар тиийбиттэр уонна тута дьуһуурустубалаан барбыттар.
Быыһыыр сулууспа тымныы күннэр туралларынан сибээстээн, ыраах айанныырга бары миэрэни тутуһарга сүбэлииллэр-амалыыллар. Ыксаллаах быһыы-майгы буоллаҕына, «112» эбэтэр 8 (4112) 45-90-19 нүөмэрдэргэ эрийэн биллэрэргитигэр этэллэр.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…