Хаартыска sakha.gov.ru ылылынна
СӨ Ил Дархана Айсен Николаев Москваҕа федеральнай суол ааҕыныстыбатын салайар Роман Новиковы кытары көрсүһүүтүгэр “Халыма” уонна “Бүлүү” федеральнай суолу салгыы туһаныы боппуруостарын дьүүллэстилэр.
Өрөспүүбүлүкэҕэ саҥа учаастактарга аспаалы ууруу үлэтэ барарын үрдүнэн, федеральнай суоллар туруктарын туһунан үҥсүү кэнники сылларга элбээтэ. Ол төрүөтүнэн айан-сырыы уонна улахан кыамталаах массыыналар ахсааннара элбээбиттэрэ буолар.
Кэккэ учаастактарга күүстээх сөҥүүлэргэ тырааныспардар сырыылара тохтуур. Ордук уустук балаһыанньа “Халыма” тыраассатыгар Чурапчы сэлиэнньэтиттэн Томпо улууһун Алдан өрүскэ диэри бэлиэтэнэр.
Боппуруоһу быһаарар туһугар салайааччылар суолу көрөргө-истэргэ үбүлээһини улаатыннарарга сүбэлэстилэр. Ону таһынан Айсен Николаев уонна Роман Новиков улахан кыамтаны хонтуруоллааһыны түһүмэҕинэн киллэрэр уонна халаан содулун, атын да ыксаллаах балаһыанньалары суһаллык туоратарга наадалаах матырыйааллар саппаастарын элбээтиннэрэр наадатын туһунан кэпсэттилэр.
Дьүүллэһии биир ураты тиэмэтинэн “Куттала суох хаачыстыбалаах суоллар” национальнай бырайыагы олоххо киллэрии буолла. РФ бэрэсидьиэнэ көҕүлээбит бырайыагын чэрчитинэн 2019-2023 сылларга өрөспүүбүлүкэҕэ 1 тыһыынча килэмиэтиртэн ордук усталаах суол нуормаҕа эппиэттиир гына оҥоһулунна. 2024 сылга өссө 184 килэмиэтир кэриҥэ суолу киллэрии былааннанар.
Салайааччылар ону таһынан Уһук Илиҥҥи куораттар маастар-былааннарын олоххо киллэриини кытта ситимнээх саҥа националнай бырайыак туһунан кэпсэттилэр.
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…
300 киһи олорор Өймөкөөн улууһун Үчүгэй нэһилиэгэр саҥа технологиянан оҥоһуллубут «Экстра Синема» киинэ саалата үлэҕэ…
Саҥа дьыл түүнүгэр Дьокуускайга быстах кэмҥэ 100н нүөмэрдээх босхо оптуобус маршрута үлэлиэҕэ диэн санатан суруйабыт.…
Дьокуускай борокуратуурата 33 саастаах дьахтарга тэриллибит холуобунай дьыалаҕы буруйдааһыны бигэргэттэ. Бу туһунан СӨ Борокуратууратын телеграм-ханаалыгар…
Илиҥҥи халандаарынан үүнэр 2026 сыл Уот кыһыл ат сыла дииллэр. Сахалар сылгынан билгэлэрэ үгүс. Онтон…