Халымаҕа 69 саастаах киһи ахсынньы ортотуттан сибээскэ тахса илик

СӨ Быыһыыр сулууспата иһитиннэрбитинэн, Орто Халымаҕа 69 саастаах киһи сүппүт.

Улуустааҕы биир кэлим диспетчерскэй сулууспаҕа Орто Халыма куорат олохтооҕуттан киһи сүппүтүн туһунан иһитиннэрии ахсынньы 26 күнүгэр киирбит. Ол курдук  69 саастаах эр киһи ахсынньы 13 күнүттэн сибээскэ тахсыбатах. Ойоҕо кэпсииринэн, эр киһи куораттан 15 килэмиэтирдээх  «Сайылык» диэн сиргэ баар үһү.

Бүгүн, ахсынньы 27 күнүгэр, сарсыарда халлаан сырдаатаҕына, 11 чаас диэки СӨ Быыһыыр сулууспатын Халыматааҕы көрдүүр-быыһыыр этэрээтин икки быыһааччыта полиция сотрудниктарын кытта сүппүт киһини көрдүү барыахтара.