Хаартыска: СИА архыыбыттан.
Дьокуускайтан Орто Халыма улууһугар муус харыытын туоратар инниттэн дэлби тэптэрэр эбии баартыйаны ыыттылар. Бу туһунан ыам ыйын 22 күнүгэр “СӨ Быыһыыр сулууспата” тэрилтэ начаалынньыгын бастакы солбуйааччы Василий Тарскай Ил Дархан уонна Бырабыыталыстыба дьаһалтатын социальнай ситимнэрин официальнай страницаларыгар быһа эпиир кэмигэр иһитиннэрдэ.
Кини этэринэн, муус сүрүн барыыта Орто Халыма улууһунан ааһар. Уу таһыма кутталлаах таһымтан үрдүк.
Ыам ыйын 20 күнүгэр улууска Луобуйанан харыы тахсан, Орто Халыма куоракка уу таһыма эмискэ үрдээбит. Ол түмүгэр 12 учаастагы, куорат пуордун балаһаларын уу ылбыт. Саха сиринээҕи быыһыыр сулууспа начаалынньыга Иннокентий Андросов салайыытынан бу учаастакка мууһу дэлби тэптэрэр суһал үлэ барбыт. Сөптөөх хамсаныы оҥоһуллан харыыны тохтоппуттар, куоракка уу таһыма түһэн испит. Ол эрээри, ыам ыйын 21 күнүгэр Банскай учаастагынан саҥа харыы бэлиэтэммит. Уу таһыма эмиэ эмискэ тахсыбыт. Харыыны тохтотор инниттэн исписэлиистэр 2,5 туонна дэлби тэбэр сэби туһанан үстэ эһиннэрбиттэр.
“Улууска муус халыҥ, халлаан бу күннэргэ тымныы буолан муус чарааһаабакка хаалбыт. Онон кутталлаах сирдэринэн муус алдьаммат, бу Халыма өрүскэ муус барыытын уустугурдар. Биһиги суһал бөлөхпүт түүннэр-күнүстэри харыыны төлө ыытар инниттэн күүскэ үлэлиир. Саха сирин Бырабыыталыстыбатын быһаарыытынан, бүгүн Дьокуускай куораттан Орто Халыма улууһугар эбии 3 туонна 700 киилэ дэлби тэбэр сэби ыыттыбыт, эһиннэрэр үлэ салҕаныаҕа” – диэн Тарскай этэр.
Ил Дархан уонна Бырабыыталыстыба пресс-сулууспата.
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…
Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр. Дьокуускай…