Хаартыска: sakha.gov.ru ылылынна
Бүгүн, олунньу 18 күнүттэн, Орто Халымаҕа уонна Үөһээ Халымаҕа Бырабыыталыстыба отчуота саҕаланна.
Икки оробуочай бөлөх уон күн устата Орто Халымаҕа 10 нэһилиэнньэлээх пууҥҥа сылдьан ааспыт сыллааҕы үлэни-хамнаһы отчуоттаан иһитиннэриэ. Маны сэргэ, олохтоохтору биирдиилээн көрсүөхтэрэ, ыйытыыларыгар хоруйдуохтара.
Биир бөлөҕү СӨ тутууга миниистирэ Виктор Романов салайан илдьэ сылдьар. Кинилэр бөлөхтөрө Хатыҥнаах, Сыбаатай, Эбээх, Өлөөкө Күөл, Арҕахтаах олохтоохторун көрсүө, ону таһынан түмүк отчуоттара Орто Халымаҕа буолуо.
Оробуочай бөлөх социальнай эбийиэктэргэ сылдьара былааннанар. Улууһу сайыннарыы тутаах боппуруостарын дьүүллэһиэхтэрэ итиэннэ нэһилиэнньэни кытта тутуу, инфраструктура, уо.д.а. боппуруостары кэпсэтиэхтэрэ.
Үөһээ Халымаҕа дэлэгээссийэни СӨ Сыана бэлиитикэтин кэмитиэтин бэрэссэдээтэлэ Николай Бочков салайар. Бүгүн кинилэр Үөһээ Халыма сэлиэнньэтигэр отчуоту оҥордулар. Сарсын, олунньу 19 күнүгэр Уһун Күөлгэ, салгыы Утайаҕа, Угольнайга, онтон Нелемнайга уонна Зырянкаҕа отчуоттуохтара. Нэһилиэктэринэн сылдьан баран, түмүк олунньу 22 күнүгэр Зырянкаҕа былааннанар.
Санатан эттэххэ, олунньуга саҕаламмыт Бырабыыталыстыба отчуота өрөспүүбүлүкэ бары улуустарыгар сылдьар. Түмүктүүр отчуот кулун тутарга «Саха» НКИХ көстүөҕэ.
Кыраапыгы бу сигэнэн киирэн көрүөххэ сөп: https://www.sakha.gov.ru/news/front/view/id/3480409
СӨ Ил Дарханын уонна Бырабыыталыстыбатын пресс-сулууспата
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…
Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа. Ахсынньы 23 күнүгэр, Дьокуускай…