Госдуума пленарнай мунньахха иккис уонна үһүс ааҕыытыгар үлэ төлөбүрүн алын кээмэйин (МРОТ) үрдэтэр туһунан сокуон барылын ылынна. Онон, 2024 сыл тохсунньу 1 күнүттэн МРОТ кээмэйэ 19 242 солкуобайга тэҥнэһиэҕэ диэн «Коммерсантъ» суруйар.
Билигин МРОТ кээмэйэ 16 242 солкуобайга тэҥнэһэр. Кэлэр сылтан 18,5%, ол эбэтэр, 3 тыһыынча солкуобайынан үрдүөҕэ. Бу үрдээһин түмүгэр 4,8 мөлүйүөн киһи хамнаһа үрдүөҕэ диэн сабаҕалыыллар.
Ону тэҥэ, МРОТ кээмэйиттэн үлэтэ суохтар, хат дьахталлар босуобуйалара, «больничнай» ааҕыллыыта, о.д.а. төлөбүрдэр тутулуктаахтар.
Бу сокуон барылын бэрэсидьиэн Владимир Путин сорудаҕынан, РФ бырабыыталыстыбата балаҕан ыйын 29 күнүгэр Госдуумаҕа бэлэмнээн киллэрбитэ. Үбүлээһинэ 2024-2026 сыллааҕы федеральнай бүддьүөт бырайыагар киирэн турар.
Манна эбэн эттэххэ, хотугу эбилик уонна оройуоннай коэффициент эбиллэр буолан, Саха сиригэр МРОТ кээмэйэ үрдүк. Холобур, 2023 сылга олохтоммут МРОТ кээмэйэ: 1,7 коэффициеннаах — 40 605 солкуобай, 2,0 коэффициеннаах — 45 478 солкуобай этэ. Билигин бу суума өссө үрдүөхтээх.
Ис дьыала министиэристибэтин Дьокуускайдааҕы 2-с нүөмэрдээх полициятын отделын дьуһуурунай чааһыгар, бу күннэргэ оскуола үлэһититтэн ноутбук…
Өймөкөөн улууһугар тутулла турар Куйдуһун муостатын тутар бэдэрээтчит «СтройМост» ХЭУо бүгүҥҥүттэн, ыам ыйын 15 күнүттэн, …
Ааҕыыттан дьиҥ дуоһуйууну бэлэхтиир сахалыы тыллаах саамай кырдьаҕас «Чолбон» сурунаал муус устардааҕы нүөмэригэр ааҕыҥ: -…
"Лена" суһал бөлөх ЫБММ Хабаровскайдааҕы авиационнай-быыһыыр киин бөртөлүөтүнэн Өлүөхүмэ улууһун Кыыллааҕар уонна 1-кы Нөөрүктээйитигэр нэһилиэнньэлээх…
Ыам ыйын 12 күнүгэр “Мин кыраайым – мин киэн туттуум” төрөөбүт дойду күндүтүн уонна кэрэтин,…
Саха сирин үс улууһун баһылыктара баҕа өттүлэринэн «Боотур» этэрээти кытары байыаннай дьайыыга кытта бардылар. Бу…