Тохсунньуттан үлэһиттэр хамнастарын абаансатын төлөбүрүн быраабылата уларыйда. Тоҕо итинник буолбутун ыйытааччы элбэх. Быһаарабыт.
Нолуок кодексын 226-с ыстатыйатыгар уларыйыылар киирэн, хамнас төлөбүрэ эмиэ уларыйбыт. Онон нолуок ыйга биирдэ буолбакка, абаансаттан уонна хамнас сүрүн төлөбүрүттэн иккитэ тутуллар буолбут.
Сорох үлэһиттэр тохсунньуга кыра абаансаны ылбыт курдуктар. «Оччоҕо хамнаспыт кээмэйэ кыччаата дуо?» диэн долгуйаллар. Ол эрээри, хамнас кээмэйэ кыччаабат. Урут нолуогу ыйга биирдэ эрэ тутар этилэр. Билигин “күнүттэн күнүгэр” диэн бириинсип тутуһуллар буолла, ол эбэтэр, абаанса да, хамнас да төлөммүт күнүгэр нолуок тутуллар. НДФЛ нолуок кээмэйэ эмиэ оннунан хаалла, ол оннугар иккитэ аҥаарданар. Оттон хамнас кээмэйэ оннунан хаалар.
Холобур, үлэһит хамнаһын акылаата — 40 тыһыынча солкуобай. 13%-наах нолуок (5200 солкуобай) тутулуннаҕына, кини илиитигэр 34 800 солкуобайы ылар.
Кини урут 16 тыһыынча солкуобайы абаанса быһыытынан, 18 880 солкуобайы хамнаһын тобоҕун ылар этэ. Билигин кини 13 920 солкуобайы абаансанан, 20 880 солкуобайы хамнаһын тобоҕун ылар. Онон ханнык да түгэҥҥэ 34 800 солкуобайы ылар, хамнаһа кыччаабат. Оттон буҕаалтырдарга үлэлэрэ эбиллэн биэрэр.
Маны тэҥэ, Нолуок кодексын 223 ыстатыйатыгар өссө биир уларыйыы – хамнастан дохуоту ылыы ый бүтэһик үлэ күнүнэн ааҕыллыбакка, үлэһит ылбыт күнүгэр ааҕыллар буолла.
Хаартыска: rg.ru
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…