Хампа Севастьяновнатын салайар уопсастыбанньыктара — көхтөөх дьон

Бүлүү улууһун нэһилиэктэригэр хаалыктаах хаамааччы халыҥ хамаандата  үгүс.

Кинилэр ортолоругар Хампа нэһилиэгин олохтооҕо, «Чэбдигирии» бөлөх салайааччыта Вера Васильева эмиэ баар. Вера Севастьяновнаны биир дойдулаахтара убаастаан «Сэбиэстийээнэбинэ» диэн ааттыыллар. Нэһилиэк көхтөөх уопсастыбанньыга Сэбиэстийээнэбинэни кытта анаан кэпсэттим.

Хаалыктаах хаамыы бөлөҕө нэһилиэк олоҕор олус актыыбынай кыттыыны ылар. Ол курдук, «Чэбдигирии» бөлөх дьахталлара нэһилиэк пааматынньыктара турар искибиэрдэрин бэйэлэрин баҕаларынан көрөллөр-истэллэр.

Вера Севастьяновна салайар бөлөҕө аны ырыаһыттарынан аатырбыт дьон. Биир да нэһилиэк бырааһынньыга кинилэр кыттыыта суох барбат.  Сэбиэстийээнэбинэ  курдук нэһилиэктэрин туһугар ис сүрэхтэриттэн ыалдьар дьон Хампаҕа үгүс.