Хамсыы сылдьар балыктан саҕалаан

Соторутааҕыта Кэбээйи улууһун Ньидьили нэһилиэгэр  «Тускул» сынньалаҥ киинигэр «Күһүҥҥү киһи күлбүтүнэн» оҕуруот аһын арааһын дьаарбаҥката  ыытылынна.

Бу тэрээһиҥҥэ ким туох атыылааҕын атыылаатылар. Араас отонноох мастар, хамсыы  сылдьар балыктар, ип-итии бэрэскилэр , сүүрдүллүбүтүнэн сүөгэй, анды, хаас, дьиэтээҕи куурусса сымыыта,  барыанньалар уонна да  атын бэйэ оҥоһугун астара атыыланнылар.

Дьаарбаҥкаҕа нэһилиэкпит бастыҥ оҕуруотчуттара бэйэлэрэ көрөн-истэн, сайын устата бүөбэйдээн үүннэрбит үүнүүлээх оҕуруоттарын аһын арааһыттан тардан кэбистилэр. Дьон-сэргэ оҕуруот аһын атыылаһан кыһыҥҥыга  хаһаастарын  хаҥаттылар.

Альбина Ноговицына.