Хаҥалас Хачыкаатыгар дьахтарга тыатааҕы саба түспүт

От ыйын 9 күнүгэр, Хаҥалас улууһун Хачыкаатын олохтооҕо дьахтарга тыатааҕы саба түспүт. Бу туһунан Хаҥалас улууһун пресс-сулууспата «КП-Якутия» сайтка иһитиннэрбиттэр.

Дьахтар кэргэнин кытта тыаҕа үүтээннэригэр сир астыы, сынньана барбыттар. Дьахтар сир астыы сырыттаҕына, оҕолордоох тыатааҕы саба түспүт. Дьахтар хайдах тыыннаах хаалбыта биллибэт. Ыарахан туруктаах дьахтары Хаҥалас улууһун киин балыыһатыгар аҕалбыттар. Төһө даҕаны билигин тыатааҕы тот сылдьыбытын иһин, оҕолоох тыатааҕы туохтааҕар даҕаны кутталлаах. Онон тыаҕа сылдьарга сэрэхтээх буолуу ирдэнэр.