«Хаҥалас хапсаҕайа» турниры тэрийээччилэр тэлэбиидэнньэҕэ быһа устууттан аккаастаммыттара

«Саха» национальнай көрдөрөр-иһитиннэрэр хампаанньа «Хаҥалас хапсаҕайа» норуоттар икки ардыларынааҕы хапсаҕай күрэхтэһиитин Гран-при сүрүн тэрийээччитэ Вячеслав Нестерев 2025 сыл тохсунньу 31 күнүгэр  күрэхтэһиини быһа эфиргэ таһаарартан аккаастаммытын туһунан этиитин дьиҥэ суоҕунан ааҕарын  «Якутия 24» информационнай портал иһитиннэрэр.

“Саха” НКИХ иһитиннэрбитинэн, бу иннинэ хампаанньа бэрэстэбиитэллэрэ «Өрөгөй» спортивнай бэлэмнэнии кииниттэн күрэхтэһиини быһа эпииргэ босхо тэрийэргэ интэриэстээхтэрин биллэрбиттэрэ. Ол эрээри күрэхтэһиини тэрийээччилэр элбэх ыалдьааччыны уонна көрөөччүнү түмэ тардар сыалтан, биэриини быһа устуу өҥөтүттэн аккаастаммыттара. Ол оннугар тэрийээччилэр  тэлэбиидэнньэҕэ быһа биэрии оннугар Инстаграм* (Арассыыйаҕа бобуллубут социальнай ситим; экстремистскэй тэрилтэ быһыытынан билиниллибит уонна Арассыыйаҕа бобуллубут Meta хампаанньа бас билэр) социальнай ситимҥэ анал оҥоһуллубут страницаҕа сырдаталларын туһунан  тохсунньу 16 күнүгэр “Тэтим” араадьыйаҕа ыытыллыбыт аһаҕас эпииргэ эппиттэрэ.

Инстаграм* ( Meta признана экстремисткой организацией, ее деятельность запрещена в России