Хаҥалас Мохсоҕоллооҕор оскуола эбии дьиэтэ тутуллар
13.12.2024, 19:15
Хаартыска: sakha.gov.ru
Бөлөххө киир:
Хаҥалас Мохсоҕоллооҕор 450 миэстэлээх оскуола эбии дьиэтэ салгыы тутуллар.
СӨ вице-премьера Дмитрий Садовников улэ хаамытын билистэ, диэн СӨ Ил Дарханын уонна Бырабыыталыстыбатын пресс-сулууспата иһитиннэрэр.
Саҥа үс мэндиэмэннээх дьиэ 3,7 тыһ. кв.м. иэннээх. Манна 24 кылаас, физкултуура уонна актовай саала баар буолуоҕа. Эбийиэк 83% бэлэм. Тутуу тас үлэлэрэ түмүктэннилэр уонна уунан хааччыйыы ситимин тардыы үлэтэ ыытыллар. Дмитрий Садовников оҕолор биир симиэнэнэн үөрэнэллэригэр кыах көстүбүтүгэр эрэнэр. Билигин 800-чэкэ үөрэнээччи 50 сыл анараа өттүгэр тутуллубут оскуола эргэ дьиэтигэр үөрэнэр.
Бэлиэтээн эттэххэ, Саха сиригэр былырыын алта оҕо уһуйаана уонна 14 оскуола аһыллыбыта, онтон кэнники биэс сылга 10,2 тыһ. миэстэлээх 48 оскуола дьиэтэ тутуллан үлэҕэ киирбитэ.
Сообщить об опечатке
Текст, который будет отправлен нашим редакторам: