Хаартыска sakha.gov.ru ылылынна
Хаҥалас улууһунааҕы оҕо бибилэтиэкэтэ — 2023 сылга модельнай бибилэтиэкэлэри оҥорууга федеральнай куонкурус кыайыылааҕынан буолбута.
«Култуура» национальнай бырайыак иитинэн Покровскайга оҕо бибилэтиэкэтин саҥардан оҥорууга 5 мөл солк көрүллүбүтэ. Бибилэтиэкэ дьон ааҕыан баҕарар икки тыһыынчаттан тахса саҥа кинигэтин ылан, үлэҕэ-хамнаска туттуллар саҥа тиэхиньикэ атыылаһан, ааҕааччыларга табыгастаах тупсаҕай усулуобуйа тэриллибит.
Хаҥалас оройуонун оҕо бибилэтиэкэтин саҥардан, тупсаран оҥоруу үлэтэ оҕо саҥа, ураты көрүүлэрин, сонун сүүрээннэри олоххо киллэрэргэ туһуланар. Манна бааллар өйү-санааны, толкуйу эрчийэр уонна сынньанар сир; тус үлэлииргэ аналлаах сир; оонньуур сир; сэһэргэһэр, хардарыта сибээстээх үлэлиир сир.
Саҥардыллыбыт бибилэтиэкэҕэ оҕолор сүүрүөхтэрэ-көтүөхтэрэ, электроннай бибилэтиэкэнэн туһаныахтара, графическай бырагыраама оҥоро үөрэниэхтэрэ, кумахха уруһуйдуохтара, хардарыта сэһэргэһиэхтэрэ, о.д.а. элбэх.
Санатан эттэххэ, оҕо бастакы модельнай бибилэтиэкэтэ Булуҥ оройуонугар Тиксиигэ 2020 сыллаахха аһыллыбыта.
Национальнай бырайыактар РФ Бэрэсидьиэнэ В.Путин көҕүлээһининэн 2019 сылтан саҕаламмыттара. Кэнники биэс сылга Саха сиригэр национальнай бырайыактар иилэринэн 45 култуура эбийиэгэ үлэҕэ киллэрилиннэ, 139 кулууп материальнай-тэхиньиичэскэй баазата тупсарылынна, култуура 19 тэрилтэтигэр хапытаалынай өрөмүөн ыытылынна, 14 модельнай бибилэтиэкэ тэрилиннэ, 18 ускуустуба оскуолата саҥа үнүстүрүмүөннэринэн хааччылынна, 5 автоклуб ылылынна. Култуура тэрээһиннэригэр сылдьыы 1,6 төгүл улааппыт. Оттон киинэни оҥорон таһаарыытын ахсаанынан, өрөспүүбүлүкэ Москва уонна Санкт-Петербург куораттар кэннилэриттэн Арассыыйаҕа бастыҥнар кэккэлэригэр сылдьар.
Бүгүн, олунньу 16 күнүттэн, вице-премьер Сергей Местников салайааччылаах СӨ бырабыыталыстыбатын бөлөҕө Ньурба улууһугар үлэлиир. Оробуочай…
Ааспыт өрөбүл күннэргэ Дьокуускай куоракка 11 суол быһылаана тахсан, биир киһи эчэйдэ. Олунньу 14 февраля …
Төрөөбүт тыл уонна сурук-бичик күнүн чэрчитинэн сылын аайы ыытыллар өрөспүүбүлүкэтээҕи "Сахалыы дьыктаан" аахсыйа быйыл 12-с төгүлүн…
Саха сиригэр 38 байыаннай дьайыы инбэлиитэ уонна кини кэргэнэ суоппары бэлэмнээһин бырагырааматыгар үөрэммит ороскуота төлөннө.…
Бүгүн, олунньу 16 күнүгэр, 03.48 ч. "112" суһал нүөмэргэ, Жатай бөһүөлэгин чугаһыгар, арыыга, массыыналаах балыксыттар…
Өрөспүүбүлүкэҕэ байыаннай дьайыы 4396 кыттааччыта мэдиссиинэ көмөтүнэн туһанна. Бу туһунан олунньу 16 күнүгэр ыытыллыбыт…