Хаҥалас оройуонугар «Орто дойду» экопаркаҕа диэри айан суолу саҥардыахтара

Хаҥалас оройуонугар «Умнас» айан суол 42- с километртан 51,5-с километрга диэри учаастагар саҥардыы үлэтэ салҕанар.

Үлэлэр дойду Бэрэсидьиэнэ Владимир Путин көҕүлээбит «Инфраструктура для жизни» национальнай бырайыак чэрчитинэн ыытыллаллар. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.

СӨ суолларын управлениета иһитиннэрбитинэн, былырыын 3,8 км уһуннаах суол учаастага аспаалламмыт. Уопсайа 9,5 км усталаах суол оҥоһуута быйыл түмүктэнэрэ былааннанар. Суол үлэтэ түмүктэннэҕинэ, «Орто дойду» зоопарката хаачыстыбалаах суолунан хааччыллыаҕа.

Билигин 45,8-с километртан 51,5-с километрга диэри учаастакка өрөмүөн үлэтэ ыытыллар. Бэдэрээтчит ууну ыытар турбалары угуу үлэтин түмүктээтэ. Суолга буор кутуута, үрдэтии ыытыллар.

Санаттахха, «Инфраструктура для жизни» национальнай бырайыагынан Саха сиригэр барыта 120-тэн тахса километр усталаах айан суол саҥардыллара, ону тэҥэ биэс күргэ өрөмүөннэнэрэ былааннанар.