«Хаҥалас тукулаана»

«Хаҥалас тукулаана». Истибиккит дуо? Тукулаан диэн тугуй?

Тукулаан диэн тайҕа ортотугар үөскээбит томтордуҥу кумах систэри этэллэр.

Чинчийээччилэр тукулааннары былыргы өрүс үөстэрэ дииллэр. Ойуура суох, ыраас кумах учаастактара 15 килэмиэтир усталаах буолуохтарын сөп.

1927 сыллаахха С.Кузнецов эспэдииссийэ тэрийэн, Саха сирин тукулааннарын үөрэппитэ. Кини кэнниттэн элбэх учуонайдар эмиэ чинчийбиттэрэ. Саха сирин тукулааннара соҕуруу дойдулар барханнарыгар таһыттан эрэ майгынныыллар. Бархан «муоһа»  тыал үрэр сирин диэки хайыспыт буолар, оттон тукулаан төттөрү өттүгэр «муостанар». Саха сирин тукулааннарын үөһээттэн көрдөххө, тыал сылдьар хаартатын санатар. Учуонайдар сабаҕалыылларынан, былыргы тыал суола уларыйбатах. Тоҕо диэтэр тукулааннар түҥ былыргыттан бааллар.

Бу айылҕа биир дьикти көстүүтүн үгүс дьон сэргиир. Хаҥалас улууһугар биир биллибит тукулааҥҥа сыллата туристар сылдьыылара элбии турар. Онно Булгунньахтаахтан уу аалларынан эрэ тиийиэххэ сөп.

Саха ыалын халандаарыттан

«Айар» кинигэ кыһата, 2025 с.