Хаартыска: dzen.ru
Ил Дархан Айсен Николаев салалтатынан Хаҥалас улууһун Покровскай куоратыгар 2029 сылга ыытыллыахтаах «Манчаары оонньуулара» успуорт национальнай көрүҥнэригэр XXIII Спартакиаданы ыытыахтаах Тэрийэр кэмитиэт бастакы мунньаҕа ыытылынна.
Айсен Николаев, Хаҥалас улууһа өр сыллар кэннилэриттэн спартакиаданы хаттаан ыытан эрэрин бэлиэтээтэ — урукку Спартакиада манна 1993 сыллаахха ыытыллан, өрөспүүбүлүкэ 23 улууһуттан 497 спортсмены түмпүтэ.
Бүгүн Ил Дархан этэринэн, Оонньуулар олох атын таһымҥа ыытыллан, улуус сайдыытыгар күүстээх хамсааһыны киллэриэхтэрэ. Былаан быһыытынан стадион, элбэх хайысхалаах спортивнай комплекс, оскуола тутуллуохтаахтар. Маны тэҥэ куорат иһинээҕи уулуссалары аспааллыыр уонна улуус атын нэһилиэнньэлээх пууннарыгар аһаҕас спортивнай эбийиэктэри тутуу боппуруостара көрүллэллэр. Өрөспүүбүлүкэ баһылыга Спартакиада олох хаачыстыбатын тупсарыыга, дьоҕус урбааны, ыалдьыттааһын индустриятын уонна туризмы сайыннарыыга көҕүлээһин буолуохтааҕын тоһоҕолоон бэлиэтээтэ. Олохтоох дьаһалта уонна өрөспүүбүлүкэ бырабыыталыстыбата ыкса үлэлиллэригэр, түргэнник оробуочай хамыыһыйаны тэрийэллэригэр сорудахтаата, ол хамыыһыйа спартакиадаҕа бэлэмнэнии үлэтин тиһигин быспакка дьарыктаныаҕа, диэн иһитиннэрэр Ил Дархан, бырабыыталыстыба пресс-сулууспата.
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…
Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр. Дьокуускай…
Уус Алдан улууһун Найахы иистэнэр уран тарбахтаах далбар хотуттара дойду көмүскэлигэр сылдьар буойуннарга анаан таҥас,…
Сыл аайы олунньу 15 күнүгэр Арассыыйаҕа Аҕа дойду тас өттүгэр ытык иэстэрин толорбут интернационалист буойуттар…
Дьокуускай куорат "Арчы" духуобунай киинин үлэһитэ, алгысчыт, ырыаһыт, мэлдьи дьоҥҥо-сэргэҕэ сырдыгынан сыдьаайа сылдьар Петр Кычкин,…
“Саха сирэ” хаһыат үүт соҕотуопкатын боппуруоһун болҕомто киинигэр өрүү тутар. Ааспыт нэдиэлэҕэ “Үүт харчыта төлөннөҕүнэ,…